SANParks Koringkorrelbaai Coastal Camp Site

Voeg by Gunstelinge

 

Beskrywing

SANParks Koringkorrelbaai Coastal Camp Site is in die Namakwa Nasionale Park in die hartjie van die Karoo. Dié park het baie uitgebrei en strek vanaf die Skilpad-deel naby Kamieskroon op die platorand in 'n westelike rigting tot by die kus. Ontsnap na 'n wêreld van teenstellings waar die ongenaakbare klimaat menige vorms van lewe ongelooflik by die habitat laat aanpas. Plate vol veldblomme, die sterrehemel, kokerbome, enorme granietkoppies en die ysige Atlantiese Oseaan is net van die wonders wat hier aangetref word.

Koringkorrelbaai is 'n rotsagtige kus met 'n lang strand in die noorde. Dolfyne is dikwels in dié baai te sien. 'n 4x4 word benodig om die kamp te bereik.

Die SANParks Koringkorrelbaai Coastal Camp Site is 'n ongekunstelde kampplek wat die kus se ongerepte karakter behou. Gaste moet hulself onderhou en alles saambring wat hulle vir kamp benodig. Daar is 5 kampplekke en elkeen het 'n muur wat die wind keer en 'n braai-area. Die kampterreine het nie water, elektrisiteit of ablusiegeriewe nie, maar slegs basiese kompostoilette. Daar is geen selfoonsein nie.

Hout is by die Groenrivier-hek beskikbaar, maar dit word aanbeveel dat gaste hul eie hout saambring.

Kenmerke

  •  Afrikaans
  •  Braaiplek

Aktiwiteite Naby

  •  Visvang
  •  Voëlkyk
  •  Fietsry
  •  Wildkyk
  •  Bergfietsroetes
  •  Swem

Aktiwiteite op perseel

  •  Voëlkyk
  •  Fietsry
  •  Wildkyk
  •  Bergfietsroetes

Geriewe

  •  Braaiplek

Hier praat ons

  •  Afrikaans
  •  Engels

Kaart Meer oor die omgewing 

Gaste wat na SANParks Koringkorrelbaai Coastal Camp Site gekyk het, het ook belangstelling getoon in die volgende lekke plekke:

Vanaf R223 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za