+26

Serendipity Cottage

19 resensies

Selfsorg

Langtermynverblyf-aanbod 15% af

Kry 15% af vir verblyf wat 30 nagte of langer is. Hierdie aanbod is altyd geldig.

Kapasiteit: 2 persone
Inkloktyd: 14:00 tot 19:00
Uitkloktyd: 10:00
Adres: Harrier-singel, Douglasdale, Fourways, Johannesburg, 2121, Gauteng
Alle ouderdomme is welkom
Vanaf ~~R775~~ R659 per nag (plek vir 2)

Beskrywing

Serendipity Cottage is 'n losstaande selfsorgwoonstel in die stilste straat in Fourways in Johannesburg-Noord. Die woonstel het luukse afwerkings, is goed toegerus en word skoongemaak. Dit is in 'n veilige omgewing geleë.

Dié ruim woonstel het 2 verdiepings, slaapplek vir 2 gaste in 1 slaapkamer, 1 badkamer en 'n oopplan-kombuisie en -leefarea. Die slaapkamer het 'n superkoninggrootte-bed en 'n en suite-badkamer met 'n groot bad, aparte stort, toilet en wasbak. Hierdie kamer het ook 'n TV met volledige DStv-kanale en oorgenoeg kasspasie. 'n Slaapbank is vir kinders onder 12 jaar beskikbaar.

Die kombuisie is toegerus vir verhit-en-eet en het 'n yskas, konveksie-rooster, mikrogolf, broodrooster, induksieplaat, George Forman-braaier, breekware en eetgerei. Daar is sitplek vir 4 mense in die eetarea en die sitkamer het 'n gerieflike sitkamerstel en 'n groot 55" platskerm-TV met volledige DStv-kanale, DStv Now en Showmax. Gratis, vinnige WiFi word ook voorsien.

Die eenheid het ook 'n leefarea met lugversorging met warm en koue verstellings. 'n Klein privaat tuin is beskikbaar vir gaste se gebruik. Daar is 'n aparte ingang met 'n afstandbeheer vir ekstra privaatheid en beweeglikheid en daar is veilige parkeerplek vir tot 3 voertuie en 1 waentjie.

Die woonstel word op weeksdae volgens Covid-19-reëls skoongemaak.

Kry ’n Kwotasie