Beskrywing

Studio Apartment 1306 @ 16onBree is 'n bekoorlike selfsorg-ateljeewoonstel in 'n veilige gebou in Kaapstad se sentrale sakekern. Die ligging is gerieflik, met talle sake- en ontspanningsgeriewe, besienswaardighede en vermaak-opsies naby. 16onBree is 6 km vanaf die Tafelberg-kabelkarretjie, 3 km vanaf die V&A Waterfront en DHL-stadion, en 25 km vanaf Kaapstad Internasionale Lughawe.

Dié smaakvolle ateljeewoonstel het slaapplek vir 2 gaste en het 'n koningingrootte-bed en 'n en suite-badkamer met 'n stort, wasbak en toilet. Skoon linne en handdoeke word voorsien.

Die kombuisie is met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n skottelgoedwasser. Die eenheid het 'n knus rusbank en 'n TV met Netflix en ander stroomdienste. Gratis WiFi is beskikbaar.

Die gebou spog met 'n buiteswembad, 'n buitelug-gimnasium met 'n uitsig oor die stad en op die berge, 'n nuwerwetse kroeg waar verskeie drankies en skemerkelkies geniet kan word, en veilige aangewese parkeerplek.