Suidster

Selfsorg

Gratis kansellasie tot 1 week voor jou verblyf!
Soos Gesien op Facebook
Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Plaas 1/231, Montagu, 6270, Wes-Kaap
Geen kinders onder 18
Vanaf R3 600 per nag (plek vir 2)

Beskrywing

Suidster is 'n elegante wegbreekplek aan die voet van die Langeberge op 'n 110 hektaar-plaas tussen Barrydale en Montagu. Die plaas is onafhanklik van die tradisionele kragnetwerk en skuil tussen ongerepte fynbos-flora. Verblyf is beskikbaar in 2 selfsorgkothuise wat 'n ononderbroke uitsig oor die vallei bied. Dit is die perfekte toevlugsoord vir oordeelkundige gaste wat op soek is na 'n wegbreek in die natuur.

Die 2 luukse kothuise, Poortjies en Dwarriega, is elegant versier en is self-onderhoudende eenhede.

Poortjies is vernoem na die Poortjieskloofdam wat net 'n paar kilometer verder langs die pad in Barrydale se rigting is. Die klip wat gebruik is om die dam te bou kom van die plaas af en jy kan steeds tekens van die ou steengroef sien. Hierdie steengroef het 'n lowerryke mikroklimaat vol interessante nuwe lewe tot gevolg gehad. Dwarriega kry weer sy naam van die nie-standhoudende, Droë-Dwarriega-rivier wat verby die kothuis loop. As jy gelukkig is en daar goeie reëns was, sal jy dit dalk sien verbyvloei, propvol paddavissies.

Elke kothuis het slaapplek vir 2 gaste en het 'n oopplan-uitleg. Daar is 'n koninggrootte-bed, dakwaaier, 'n en suite-badkamer met 'n losstaande bad en stort, 'n kaggel en 'n kombuis wat met 'n stoof, mikrogolf, yskas, eetgerei en breekware toegerus is in elke eenheid. Die kothuise bied ook elk toegang tot 'n dek met buitemeubels en 'n privaat buitestort. Boonop het elke kothuis sy eie KolKol-houtvuurwarmbad.

Suidster is as 'n self-onderhoudende wegbreek in die Klein-Karoo opgerig. Dit maak van sonkrag gebruik en vars produkte word op die plaas verbou. Die kothuis en die hoofhuis werk met sonkrag en is totaal en al onafhanklik van die tradisionele kragnetwerk. Gaste het toegang tot braaigeriewe.

Daar is 'n 5 km-roete wat by 'n hoop stene naby die bopunt van die hoofpad begin en verby die kothuise na die hoofhuis toe lei.

Kry ’n Kwotasie