Tamboershoek

Beleef die stil binnekring van die Karoo.

'n Mens kan feitelik vertel: Netjiese, skoon, goed toegeruste huis met 360-grade-uitsigte op berge, effektiewe bespreking en ontvangs, veilige omgewing, gepas vir buitelugentoesiaste, ens. Of jy kan liries raak: Uitmuntende, besonderse verblyf waar jy van die eerste lig op die indrukwekkende berge, tot die laaste verwondering aan die sterre, die stiltes en getuienisse van honderde miljoene jare se Karoo-evolusie beleef – 'n uitsonderlike plek wat jy sal koester en waarvan jy nog lank sal droom. Voeg daarby hartlike ontvangs en interessante plaaslike vertellings. Besluit maar watter beskrywing jy verkies: Albei is waar. Die effens minder sterre vir "waarde vir geld" is bloot omdat die afstand vanaf ons woonplek ook aan petrolgeld vreet; in werklikheid is die akkommodasiekoste billik. Die vier sterre vir ligging is eweneens omdat dit effens ver vir 'n kort verblyf is, maar die werklike ligging van die huis met die uitsigte op berge en valleie is uitstekend. Hoogs aan te beveel.

Skitterende geriewe in die hart van die Karoo.

Pragtige plekkie om die stilte van die Karoo te ervaar. Sal beslis weer 'n draai gaan maak.

Isoleer in die Karoo.

Ons het 'n heerlike 3-dag wegbreek gehad. Dit was koud. Ons kon lekker vuurmaak. Die huis is toegerus met alles wat nodig is. Definitief 'n weer-bly huis.

We loved our stay at Tamboershoek.

For nature lovers, this is a perfect setting, with breathtaking views of the Karoo Hoogland. The cottage was very clean and very comfortable. The lovely indoor fireplace kept us warm and added to the ambience. We hardly noticed the lack of electricity as there are so many lamps available. And with no signal, we could completely enjoy peace and tranquillity.

Asemrowend mooi - die mooiste kothuisie, stil, pragtige uitsig en die mooiste sterre.

As jy van paaie ry hou, moet jy hier oornag. Vat die pad van Merweville af, gaan regoor die teerpad weer grondpad langs Fraserburg toe. Bespreek by hierdie ongelooflike oase. So romanties met kerse en parrafien lampe. Darem ook LED liggies! Die mooiste meubels, elke kamer met moderne en suite-badkamers, warm water, super netjies, toegerus met alles en die mooiste skaapvel kwilt en gansdons duvets op die bed. Vat dan die pad links oor die Ou Poortpas. Wow! Klim van die teerpaaie af en sien die wêreld op die grondpaaie!

Die paaie was bietjie oorspoel, maar niemand kla oor die reën in die Karoo nie. Baie lekker plek om te bly.

Sien sterre.

Wonderful views, but no shade on the veranda, so hot.

On the website a plunge pool is advertised, but there isn't one.

Onsettend rustig. Winderig. Ander tipe mooi.

Vir sommige mense is die plek hemel op aarde. Tieners sukkel met die feit dat daar geen krag en selopvangs is nie.

Wegbreek vir twee dae om bietjie stilte te kry.

Tamboershoek is baie mooi geleë op ’n skaapplaas in die Karoo. Pragtig en netjies. Lekker gebly, pasop net as jy in die somer soontoe gaan - dit kan baie warm word!

Stilte, mooi natuur, sterrehemel en n mooi netjiese huis wat jou als bied wat jy nodig het!

Dankie vir 'n wonderlike tyd daar ver in die karoo! Due stilte en sterrehemel was n wonderlike bonus. Lekker geswem, gebraai en gekuier saam met ons jongmens kinders! Hulle was mal oor die plek! So lekker dat daar nie krag was nie! Dankie vir 'n mooi, skoon en netjiese huis wat alles in het wat jy nodig het!

Ons kon nie vir 'n beter ligging en uitsig gevra het nie!

Die tweeslaapkamerhuisie vér weg van ligte en mense was presies wat ons gesoek het! Die stilte en uitsig én ontelbare sterre in die aand was balsem vir die siel. Wat die ervaring nog meer spesiaal gemaak het is dat daar geen selfoonopvangs is nie en ons in die aand by lamplig en kaggelvuur gekuier het! Die huisie is baie goed toegerus en die beddens slaap soos 'n droom. 'n Hoogtepunt was om laatmiddag in die plonspoel te "swem" en die ongelooflike uitsig in te drink. Dit was absolute waarde vir geld!

In hartjie van die Karoo.

Baie netjies en skoon. Lekker stil en rustig met mooiste uitsig!

Plek om die siel te herlaai.

As jy wil wegkom van als en almal en jou voete wil vind is hierdie die perfekte plek. Alles wat jy van 'n selfsorg-eenheid verlang en nog meer sal jy daar kry. Pragtige kamers en netjies en lekker ingerig. Het glad nie elektrisiteit gemis nie, eienaars het voorsiening gemaak vir genoeg olielampe en batteryliggies. Die binnenshuise kaggel het 'n wonderlike atmosfeer geskep. Pragtige uitsig. Rivierloop was ongelukkig droog, geen wild gesien nie. Sal definitief weer besoek en sterk aanbeveel.