Beskrywing

Teachers Cottage is 'n bekoorlike selfsorgkothuis in die bos op Old School Plaas en is sowat 9 km vanaf Plettenbergbaai. Dit bied 'n intieme wegbreek vir 'n klein gesin of 'n groep vriende wat op soek is na rus en in 'n rustige omgewing wil ontspan.

Hierdie lieflike kothuis bied slaapplek aan 4 volwassenes en 2 kinders en beskik oor 2 slaapkamers en 'n badkamer. Die hoofslaapkamer het 'n koningingrootte-bed, 'n bababedjie, 'n rusbank en 'n TV met DStv. Die tweede slaapkamer het 'n stapelbed en 'n enkelmatras vir 'n kind. Gaste in hierdie kamers deel 'n badkamer met 'n stort, toilet en 'n wasbak. Gehaltelinne en badhanddoeke word voorsien, maar gaste moet asb. hul eie swemhanddoeke saambring.

Die leefarea het 'n sitarea en 'n kombuis. Die kombuis is met 'n tweeplaatgasstoof, oond, mikrogolfoond, yskas-vrieskas, skottelgoedwasser, tee- en koffiemaakgeriewe, eetgerei en breekware toegerus. Daar is 'n gemaklike sitkamerstel, 'n koffietafel en n kaggel in die sitarea. Toegang tot gratis WiFi is beskikbaar.

Die leefarea lei na 'n beskutte stoep met pragtige uitsigte oor die lowerryke omgewing. Gaste kan in die swembad swem, piekniek hou in die tuin, 'n al fresco-ete geniet of die ingeboude braai benut. Hierdie eenheid het 'n kragopwekker vir ononderbroke kragtoevoer. Toegang tot veilige parkeerplek is beskikbaar.