The Lion House @ Djumbawa

Wildsplaas

Gratis kansellasie tot 1 week voor jou verblyf!
Soos Gesien op Instagram
Kapasiteit: 6 mense
Inkloktyd: 10:00 tot 19:00
Uitkloktyd: 14:00
Adres: 153 KR Suikerboschplaat, 19,8 km vanaf Vaalwater, 0530, Limpopo
Alle ouderdomme is welkom
Vanaf R7 500 per nag (plek vir 6)

Beskrywing

The Lion House @ Djumbawa is 'n knus houthuis op Djumbawa Wildsplaas oorkant 'n leeukamp in die middel van die bekende Waterberg-streek. Dit is 'n ideale wegbreek tussen Modimolle en Vaalwater.

Die houthuis bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n dubbelbed en 'n en suite-badkamer met 'n bad, stort, wasbak en 'n toilet. Die tweede slaapkamer het 2 enkelbeddens en die derde slaapkamer het 'n dubbelbed. Dié gaste deel die tweede badkamer wat 'n stort het. Alle linne en badhanddoeke word voorsien.

Die leefarea het 'n Afrika-tema en beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware en 'n koffiemasjien toegerus is. Daar is ook 'n wasmasjien in die opwaskamer. Langs die kombuis is daar 'n etenstafel en die sitarea het gemaklike sitplek en 'n platskerm-TV met die volle DStv-pakket. Gratis WiFi is beskikbaar.

Die skuifdeur lei na 'n houtdek met sitplek, 'n gasbraai en 'n uitsig oor die omliggende bosveld. Daar is ook 'n boma waar gaste saans die vuur kan aansteek.

Djumbawa Wildsplaas spog met vrylopende bokke, buffels, kameelperde, seekoeie, leeus en luiperds. Die verblyf sluit 'n wildrit met aankoms in. Ander aktiwiteite wat vooraf gereël kan word, is helikopterritte, begeleide staproetes, visvang, perdry en pieknieks in die bosveld. Ekstra wildritte kan gereël word.

Kry ’n Kwotasie