+37

The Pink Palace

9 resensies

Selfsorg

Soos Gesien op Facebook
Kapasiteit: 11 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 10 Napier Street, Arniston, 7280, Wes-Kaap
Vanaf R5 040 per nag (plek vir 11)

Beskrywing

The Pink Palace is 'n ruim selfsorghuis geskik vir 11 gaste in Arniston met 'n pragtige see-uitsig.

Dié dubbelverdiepinghuis het 5 slaapkamers met privaat ingange en elke kamer lei na die binnehof. Twee van die en suite-kamers is bo, met 'n koninggrootte-bed in die een en 2 enkelbeddens in die ander. Elkeen van dié kamers het 'n en suite-badkamer met 'n stort. Onder is nog 2 slaapkamers waarvan 1 'n dubbelbed, 'n enkelbed en 'n en suite-badkamer, en die ander 2 enkelbeddens het. Net buite hierdie slaapkamer is 'n badkamer met 'n stort en 'n toilet. Daar is ook 'n ekstra kamer met 'n dubbelbed en 'n badkamer met 'n bad beskikbaar. Linne word voorsien, maar gaste moet asb. hulle eie handdoeke saambring.

Op die onderste verdieping is 'n aparte oopplan-leefarea en -kombuis. Die oopplankombuis is met 'n stoof, oond, mikrogolfoond, yskas, koffie- en teemaakgeriewe en 'n eetarea toegerus en daar is 'n kaggel in die sitarea.

Daar is braaigeriewe buite en die huis het 'n alarmstelsel met gewapende reaksie. Die binnehof is toegebou en troeteldiere kan saamkom indien gereël. Let dat dele van die huis slegs met trappe bereik kan word en dus moontlik nie geskik is vir bejaardes of gaste met gestremdhede nie. Elke kamer bied toegang na buite en is dalk nie vir klein kinders geskik nie.

Arniston bied lieflike strande, verskeie restaurante en aktiwiteite soos swem, fietsry, perdry, bergfietsry, voetslaan, visvang, walviskyk, skeepswrakduik en meer. Gaste kan ook Arniston Hotel se spa en die Waenhuiskrans-grot besoek.

Bespreek