The Venue Country Hotel

Voeg by Gunstelinge

 

Beskrywing

The Venue Country Hotel skuil tussen die Magaliesberge en Hartbeespoort. Dit is 'n uitstekende toevlugsoord vir dié wat van die stad se betonkloue wil ontsnap, ideaal vir vakansiegangers óf sakereisigers. Die hotel bied gerieflike verblyf en kalmte naby 'n rits doendinge en besienswaardighede.

Verblyf word aangebied in 64 standaard kamers en 2 suites. Albei kamer-tipes is ruim en het 2 driekwartbeddens wat in 'n dubbelbed omskep kan word. Elke kamer het 'n en suite-badkamer. Geriewe in albei kamer-tipes sluit in: 'n platskerm-TV met sekere DStv-kanale, gratis WiFi, 'n spieëltafel wat ook geskik is as 'n werkstasie, tee- en koffiemaakgeriewe, 'n telefoon, haardroër en plafonwaaier.

Gaste kan 'n heerlike ontbyt en ander watertand-disse geniet in die restaurant op die perseel. Dit word voorberei deur ons eie persoonlike sjef. Daar is ook 2 kroeë op die perseel. The Overflow Bar and Terrace bied 'n pragtige uitsig oor die swembad en klimraam sodat jy kan ontspan terwyl jy kan toekyk hoe jou kinders speel en maatjies maak. Gaste is welkom om die braaigeriewe te benut.

Vir sakereisigers het die hotel 3 konferensielokale en 'n groot ouditorium. Al die bogenoemde het oudio- en visuele fasiliteite en toegang tot WiFi. Ons bied ook troupakkette en ons het 'n troubeplanner op die perseel wat kan help met elke detail.

Veilige parkeerplek is beskikbaar en gaste sal vele doendinge en besienswaardighede baie na aan ons vind, insluitend: Die Wieg van die Mensdom, 'n wildreservaat, 'n leeupark, Magaliesberg-boomtoptoere en die Sterkfonteingrotte.

Kenmerke

  •  Swembad
  •  Konferensiegeriewe

Geriewe

  •  Swembad
  •  Konferensiegeriewe

Kaart Meer oor die omgewing 

Gaste wat na The Venue Country Hotel gekyk het, het ook belangstelling getoon in die volgende lekke plekke:

Vanaf R1 148 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za