The Wild Bunch Safari House

Selfsorg

Langtermynverblyf-aanbod 10% af

Kry 10% af vir verblyf wat 7 nagte of langer is. Hierdie aanbod is altyd geldig.

Kapasiteit: 6 persone
Inkloktyd: 14:00 tot 18:00
Uitkloktyd: 09:00
Adres: Rinkhalslaan 2247, Marlothpark, 1321, Mpumalanga
Alle ouderdomme is welkom
Vanaf ~~R2 850~~ R2 565 per nag (plek vir 6)

Beskrywing

The Wild Bunch Safari House bied selfsorgverblyf in die wildbewarea Marlothpark. Die bewarea is aan die suidelike grens van die Krugerwildtuin geleë en is die tuiste van 'n verskeidenheid vrylopende wild.

Die dubbelverdiepinghuis is in 'n Afrika-styl en bied slaapplek aan 6 gaste. Dit beskik oor 2 slaapkamers, 2 mezzanine-kamers bo en 2 badkamers met storte. Die hoofslaapkamer en tweede slaapkamer het lugversorging en elke kamer het 'n dubbelbed. Die hoofslaapkamer het ook 'n en suite-badkamer en die tweede kamer het toegang tot die tweede aparte badkamer. Daar is 2 groot oop mezzanine-kamers bo met waaiers. Daar is 'n dubbelbed aan die een kant en 'n enkelbed aan die ander kant.

Die knus kombuis is met 'n yskas, mikrogolfoond, oond, stoof, eetgerei en breekware toegerus. Die leefarea het 'n hoë plafon en waaier en dit lei na die groot kuierarea op die terras met 'n ingeboude braai-area en mooi stoep wat 'n uitsig oor die swembad, buitestort, waaier en die groot vuurput bied.

Gratis WiFi is beskikbaar. Die huis het 'n omsetter en 'n watertenk.

Marlothpark spog met 'n hele rits wilde diere en daar is ook olifante en roofdiere aan die oewer van die Krokodilrivier wat Marlothpark en die Krugerwildtuin skei. Renosters, buffels, leeus, luiperds en hiënas is in Lionspruit, 'n aparte wildreservaat binne Marlothpark, te sien. Daar is ook koedoes, sebras, kameelperde, blouwildebeeste, bobbejane, bosbokke, nagapies, njalas, impalas, vlakvarke en volstruise wat vrylik tussen die vakansiehuise rondloop en die Wild Bunch daagliks besoek.

Kry ’n Kwotasie