'N heerlike uitspannaweek in die stilte van Tierk. Baie dankie aan die webtuiste, die huis en cottage was heerlik ruim vir 'n familie van 8 mense. Die plaas bied geleenthede vir fietsry, stap in die berge, ontspan langs die swembad en vele aandjies om die braaipit en kuiers in die lekker ruim kombuisarea. Ons het heerlik gerus! Dankie aan die eienaars se gasvryheid.

Netjiese huis. Die huis is groot en baie mooi versorg. Daar is 'n paar mooi staproetes op die plaas. Die omringende berge is asemrowend.

Dit was 'n goeie keuse en die natuur help altyd met rustigheid. Die fasiliteit was puik, en daar is van alles. Die omgewing is regte natuurlewe en dit was aangenaam. Die pad is bietjie 'n uitdaging, maar dit is in die berge en die views is baie mooi. Die cottage by hoofhuis se WiFi ontvangs was swak. Die res van ontvangs was baie goed.

Perfek van A - Z! Net eerstens: Ons het nie in Tierhoek House gebly nie, maar in die Pepper Tree Cottage. Dit was ongelooflik en ons het die beste naweek gehad! Die eenheid is baie privaat, gemaklik, intiem en perfek vir twee mense (met honde!) 'n Heerlike binne-kaggel hou die koue buite, terwyl daar ook 'n buite-braai (onderdak) is, plus nog 'n "boma"-tipe braai/vuurmaakplek onder die boom. Die uitsigte is pragtig, en mens wil net op die stoep sit en niks doen. Die klein plunge pool is perfek en privaat (meer vir die somer). Die kamer en badkamer was ruim genoeg, en die bed met kussings gemaklik, met lekker leesliggies. Die kombuis is goed toegerus met alles wat jy nodig het. Ons het heerlik gaan stap op die staproetes, en geen probleme van bobbejane gehad nie. 'n Perfekte wegbreeknaweek-plek!

Afglee verblyf in 'n pragtige omgewing. Tierhoek was 'n belewenis! Afgelee, stil en rustig. Net die pragtige natuur, berge en sterrehemel om jou. Die fasiliteite was goed en alles is daar wat jy mag nodig kry. Ons het veral die swembadjie en die buitestort baie geniet. Ons sal beslis teruggaan!

Lekker. Baie mooi omgewing en alles in huis wat jy nodig het.

Stunning getaway spot. We had a wonderful time at Quince Cottage. Has everything you need. All information is provided, attention to detail is evident. We loved it so much, we are already talking about our next visit.

So 'n mooi ligging. Stil en rustig. Die huis is goed toegerus en so netjies. Die perfekte plek om weg te kom van al die geraas maar tog naby genoeg aan die wynplase in die omgewing. Ons het heerlik gebly in Quince Cottage.

Lieflike, rustige naweek. Ons het in Peppertree gebly en dit was lieflik. Daar is alles wat jy nodig het vir die verblyf en die bitter groot bad het die beste uitsig. Hulle het die lekkerste staproetes en dan in die aande het ons verstom na al die sterre gestaar. Die huis is baie privaat en is perfek vir 'n romantiese 'mamma pappa naweek' of 'n plek waar jy net vrede kan vind.

Asemrowend mooi. Jy, die natuur en niks anders. Ongelooflike mooi huisie (Stone Cottage), baie privaat met uitsigte wat ek nog nooit ervaar het nie. Die uitsig oor die dam was baie besonders. Moet net nooit jou verkyker by die huis vergeet soos ons nie. Heerlik gestap met ons hondekinders wat dit net so geniet het. Ons het dit so geniet dat ons, ons mid-week bespreking met 'n dag verleng het. Ons gaan beslis weer terug. Dankie Bruce en Alison dat julle hierdie wonderlike plek met ons gedeel het. Ons het dit terdeë geniet.