Vans View

Beskrywing

Vans View is 'n selfsorg-vakansiewoonstel op die grondvloer wat in 'n sekuriteitskompleks in Uvongo geleë is. Die woonstel is teen die strand geleë op die welbekende Lillecrona Boulevard.

Die woonstel het 2 slaapkamers en 2 badkamers. Die hoofslaapkamer het 'n dubbelbed en 'n en suite-badkamer met 'n bad, toilet en 'n wasbak. Die tweede slaapkamer het 2 enkelbeddens en daar is 'n slaapbank in die sitkamer wat geskik is vir 2 kinders. Die tweede badkamer het 'n stort, wasbak en toilet.

Die kombuis is ten volle toegerus met 'n yskas-vrieskas, mikrogolfoond, stoof, wasmasjien, ketel, broodrooster, eetgerei en breekware. Die gerieflike sitkamer het 'n platskerm-TV en DStv-koppelpunt, so bring asb. jou eie dekodeerder en slimkaart saam. Die woonkamer bied toegang tot die patio en privaat tuin met 'n braaiplek.

Die kompleks het 'n swembad wat in 'n tropiese tuin geleë is met 'n gemeenskaplike braaiplek met tafels en stoele. Die woonstel het 1 veilige onderdakparkeerplek en daar is ook parkeerplek vir waentjies beskikbaar. Die naaste strand, Lucien-strand, het Blouvlagstatus en dis net 'n paar minute se stap van die woonstel af. Daar is ook verskeie visvangplekke binne stapafstand waar jy kan gaan lyn natmaak.

Uvongo is die ideale basis vanwaar omliggende besienswaardighede soos Oribi Gorge, Wild Coast Sun en Ushaka Marine World besoek kan word.