Villa 27

Selfsorg

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Harold Ashwell-boulevard 27, Melkbosstrand, 7437, Wes-Kaap
Alle ouderdomme is welkom
Vanaf R17 200 per nag (plek vir 10)

Beskrywing

Villa 27 bied luukse selfsorgverblyf in die kusdorpie Melkbosstrand in Kaapstad. Die vakansiehuis spog met 'n skilderagtige see-uitsig vanaf die dek en direkte toegang tot die strand. Op helder dae kan gaste Tafelberg en Robbeneiland in die verte bewonder.

Dié dubbelverdieping-vakansiehuis het slaapplek vir 10 gaste en beskik oor 5 slaapkamers, 5 badkamers en 'n gastetoilet. Die hoof- en tweede slaapkamer is ruim en het elkeen 'n koninggrootte-bed en 'n en suite-badkamer met 'n bad en 'n stort. Albei hierdie slaapkamers lei na die stoep met 'n see-uitsig. Die derde slaapkamer het 'n koningingrootte-bed en 'n hangstoel, en die vierde en vyfde slaapkamer het elk 'n dubbelbed. Elke slaapkamer het 'n en suite-badkamer met 'n stort.

Die villa het 2 sitareas. Die eerste sitarea is informeel en het 'n groot platskerm-TV, en die ander sitarea het 'n biblioteekarea. Die volledig toegeruste kombuis sluit alle toebehore in om maaltye voor te berei, sowel as 'n opwasarea met 'n skottelgoedwasser, 'n wasmasjien en 'n tuimeldroër.

Die oopplan-leefarea bied 'n etenstafel met sitplek en rusbanke. Daar is ook skuifdeure wat na 'n dek met 'n tafel, bankies, 'n plonspoel en 'n uitsig oor die fynbos en strand lei. Veilige parkeerplek is op die perseel beskikbaar.

Kry ’n Kwotasie