Villa Kyma

Selfsorg

Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: Antilles Faure Marinerylaan 15, Gordonsbaai, 7140, Wes-Kaap
Alle ouderdomme is welkom
Vanaf R4 050 per nag (plek vir 12)

Beskrywing

Villa Kyma is teen Gordonsbaai se strand en dit bied die ideale wegbreek vir 'n groep vriende of 'n gesin. Dit bied die geleentheid om te onstpan met die see op jou voorstoep.

Hierdie dubbelverdiepingvilla is geskik vir 12 gaste en het 6 slaapkamers en 5 badkamers. Die hoofsuite het 'n privaat balkon wat na die see front, 'n koninggrootte-bed en 'n en suite-badkamer met 'n stort en 'n bad. Daar is 'n slaapkamer op die grondverdieping wat 'n koninggrootte-bed en 'n en suite-badkamer het. Die derde slaapkamer het 'n koningingrootte-bed en die vierde en vyfde slaapkamer het elk 'n dubbelbed en 'n en suite-badkamer met 'n stort. Daar is 2 enkelbeddens in die sesde slaapkamer en die vyfde badkamer het 'n bad en 'n stort. Linne en badhanddoeke word voorsien, maar gaste moet asb. hulle eie strandhanddoeke saambring.

Die helder oopplan-area het 'n kombuis wat 'n stoof, 2 oonde, mikrogolfoond, yskas-vrieskas, Nespresso-masjien, eetgerei, breekware en 'n toonbank met stoele het. Daar is ook 'n wasmasjien en 'n skottelgoedwasser. Die kombuis lei na die ruim sitarea wat gemaklike sitplek en 'n TV het. WiFi is regdeur die villa beskikbaar. Die sitarea lei na die formele eetarea waar gaste saam etes kan geniet.

Die skuifdeure lei na die beskutte braaikamer wat 'n etenstafel met sitplek vir 10 gaste en 'n ingeboude braai het. Die area het glasstapeldeure wat oopmaak om die vars seelug in te laat, en die stapeldeure lei na die ruim grasperk wat buitesitplek en sonstoele het.

Villa Kyma is op 'n landgoed wat 'n verskeidenheid aktiwiteite bied en daar is 'n swembad, tennisbaan, muurbalbane en 'n klubhuis. Die ligging van die landgoed is ook naby die gewilde promenade wat restaurante, winkels en watersport bied.

Kry ’n Kwotasie