Villa St Clair

Selfsorg

Gratis kansellasie tot 1 week voor jou verblyf!
Kapasiteit: 8 persone
Inkloktyd: 15:00 tot 19:00
Uitkloktyd: 10:00
Adres: Kuduweg 74, Ballito, 4301, KwaZulu-Natal
Geen kinders onder 2
Vanaf R5 400 per nag (plek vir 8)

Beskrywing

Villa St Clair is 'n bekoorlike vakansiehuis wat uitkyk oor 'n privaat strand in Ballito. Niks kan vergelyk word met dié skilderagtige see-uitsig nie.

Dié dorp skuil tussen die oneindige suikerriet, KwaZulu-Natal se bekende Green Gold en het weerskante goue strande met die warm water vanaf die Indiese Oseaan.

Dié dubbelverdiepinghuis beskik oor 4 slaapkamers en het slaapplek vir 8 gaste. Daar is direkte toegang tot 'n privaat en veilige swemstrand. Die slaapkamers is op die onderste verdieping en 2 slaapkamers het elkeen 'n dubbelbed wat 2 enkelbeddens is wat teenmekaar geskuif is en 2 slaapkamers het elkeen 2 enkelbeddens. Die een slaapkamer het 'n en suite badkamer en die ander gaste deel 'n badkamer met 'n bad en toilet. Die stort is apart vir al die gaste om te deel.

Die oopplan-leefarea en -kombuis is op die boonste verdieping. Die kombuis is ten volle toegerus vir selfsorg. Die sitkamer het gemaklike sitplek en 'n TV en die eetarea het 'n eetkamertafel met sitplek vir 10 mense.

Lugversorging is slegs beskikbaar in die slaapkamers op die onderste vlak. Die sit-/eetkamer is toegerus met plafonwaaiers wat met 'n afstandbeheer werk.

Gaste kan afkoel in die swembad of swem by die nabye privaat strand.

Dis nie ideaal vir baie jong kinders en bejaardes nie, weens steil trappe wat vanaf motorhuis na woning en vanaf woning na privaat strand lei.

Let asb. dat strandhanddoeke nie voorsien word nie.

Villa St Clair is 'n selfsorg-eenheid. Gaste moet dus asb. hul eie skottelgoedseep, toiletpapier en swartsakke, ens. saambring.

Kry ’n Kwotasie