Beskrywing

Villa V is 'n selfsorg-vakansiehuis in Milnerton, Kaapstad. Dié ruim huis is naby Lagoon Beach en is ongeveer 6 km vanaf Canal Walk Shopping Centre in Century City.

Dié volledig gemeubileerde huis beskik oor 3 slaapkamers en 1 badkamer. Die hoofslaapkamer het 'n koninggrootte-bed en die tweede slaapkamer het 'n koningingrootte-bed. Die derde slaapkamer het 2 enkelbeddens. Die badkamer het is aparte stort en bad. Die kombuis is met 'n stoof, oond, yskas, mikrogolf en tee- en koffiemaakgeriewe toegerus.

Die eetkamer het 'n etenstafel met sitplek vir 6 en die sitkamer lei na 'n semi-onderdak binnehof met 'n braai-area en 'n etenstafel. Daar is ook 'n tuin met 'n plonspoel. Gratis WiFi is beskikbaar en die verblyf het 'n toesluit-motorhuis.

Villa V is ongeveer 1,5 km vanaf Milnerton Gholfklub, 5 km vanaf Century City Konferensie Sentrum en 9 km vanaf Kaapstad se stadskern.