Walkersons

Selfsorg

Spesiale Aanbod 20% af

Kry 20% af (minimum twee nagte se verblyf). Geldig vir verblyf vanaf 22 Apr 2024 tot 2 Mei 2024.

Kapasiteit: 8 persone
Inkloktyd: 14:00 tot 23:00
Uitkloktyd: 10:00
Adres: R540, Walkersons Luxury Estate, Dullstroom, 1110, Mpumalanga
Alle ouderdomme is welkom
Vanaf ~~R4 500~~ R3 600 per nag (plek vir 8)

Beskrywing

Walkersons Estate is reg op die Mpumalanga-hoëveld platorand se mis-sone, 10 km buite Dullstroom. Dié huis is in die Oos-Transvaalse styl gebou, ruim en het 3 slaapkamers en 'n studeerkamer. Dit is geskik vir 6 volwassenes en 2 kinders.

Die hele huis is op dieselfde vlak en grootliks geskik vir gaste met mobiliteitsuitdagings. Let egter daarop dat daar een trappie na die voorste stoep is.

Die 2 hoofslaapkamers is ruim, het elk 'n pragtige uitsig oor die Walkersonsvallei, met ’n koningingrootte-bed, elektriese komberse en 'n verhitte en suite-badkamer met 'n stort, toilet en wasbak. Die derde slaapkamer het ook 'n koningingrootte-bed en die studeerkamer, met 2 enkelbeddens. Elk van dié twee kamers het 'n mooi uitsig na die oostelike kant en deel 'n volle badkamer.

Daar is 'n ruim oopplan-leefarea met 'n sitarea, eetarea, kombuis en 'n opwasarea. Die kombuis is met gasstoof, 'n elektriese waaieroond, lugbraaier, mikrogolf, groot yskas-vrieskas, skottelgoedwasser, ysmasjien, tee- en koffiemaakgeriewe, eetgerei en breekware toegerus. Daar is ook 'n Nespresso, Nescafé Dolce Gusto en plunger-koffiemakers (gaste moet asb. net hulle eie koffie en kapsules saambring). Die sitarea het gemaklike sitplekke, DStv Premium, TV, DVD-speler, onafhanklike skootrekenaarskerm en 'n klankstelsel. Gratis Wi-Fi is beskikbaar vir sosiale media en DStv Premium wat sportkanale insluit.

Daar is buitebraaigeriewe op die stoep. Onderdakparkeerplek vir 4 voertuie, waarvan twee in 'n toesluitmotorhuis is.

Gaste kan gerus bergfietse saambring om die pragtige geplaveide paadjies te verken.

Gaste moet hul eie visvang-toerusting saambring. Slegs forel-kunsvlieghengel met drywende lyn en haaklose hoeke word op 'n vang-en-vrylaat-basis in die damme toegelaat, geen visvang in die rivier nie. Slegs gaste in ons huis mag visvang, geen besoekers word toegelaat om vis te vang nie.

Walkersons is 'n luukse landgoed wat professioneel onderhou word en het ongelooflike natuurskoon, 'n bergstroom, waterval en vleilande. Die landgoed fokus op die natuur met aktiwiteite soos bergfietsry, draf, stap op geplaveide roetes, voëlkyk, perdry, bergklim, 14 wildsoorte en verskeie foreldamme om in te hengel. Verder kan gaste die luukse spa by die die 5-ster-hotel, Walkersons Country Hotel, besoek.

Kry ’n Kwotasie