Wandersheim

Voeg by Gunstelinge

 

Beskrywing

Wandersheim bied selfsorgkothuise op 'n plaas in die bergagtige landskap tussen Wakkerstroom en Paulpietersburg in Lüneberg, Mpumalanga. Die akkommodasie is ideaal vir 'n groot groep vriende of families op soek na 'n rustige vakansie of 'n wegbreek, weg van die stad se rumoer en die alledaagse, besige skedule.

Akkommodasie by Wandersheim bestaan uit 3 kothuise wat ruim is en sorgsaam gemeubileer is. Die eerste kothuis se naam is Vugutu Heights en beskik oor 5 slaapkamers met 2 enkelbeddens elk wat as dubbelbeddens geskuif kan word. Die kamers het elk hul eie en suite-badkamer met 'n stort en/of bad, 'n wasbak en 'n toilet. Die kothuis het ook 'n ruim kombuis wat ten volle toegerus is sodat julle lekker kan kosmaak, 'n sitkamerarea en 'n privaat balkon wat oor die asemrowende berglandskap uitkyk.

Die 2 oorblywende kothuise se name is Somi's Den en Landa's Hut. Elkeen bied slaapplek vir tot 6 mense en bestaan uit 2 slaapkamers op die grondvlak en 'n derde solderkamer. Daar is 1 badkamer wat gedeel kan word, 'n stort en bad, 'n wasbak en 'n toilet. Hierdie eenhede is ook ten volle toegerus met 'n oopplan-kombuis en 'n sitkamerarea.

Gaste kan die braaigeriewe by elke kothuis geniet of die lapa buite wat ook gemeenskaplike braaigeriewe bied. Verder is daar 'n rotsswembad waarin gaste kan afkoel en lieflike uitsigte oor omliggende landskap kan geniet. 'n Kort entjie van die kothuise af kan gaste die Ntombe-waterval gaan besoek. Dis 'n rustige plek waar jy rus vir die siel kan vind en dis hoekom soveel mense kies om by Wandersheim te kom wegbreek.

Kaart Meer oor die omgewing 

Gaste wat na Wandersheim gekyk het, het ook belangstelling getoon in die volgende lekke plekke:

Vanaf R550 per nag (vir 2 mense)

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za