Welvanpas Gasteplaas

Coenie L
Gesin met tieners

Lekker ontspan na dag se ry.

Baie vriendelik ontvang en niks was te veel moeite nie. Goeie ligging, gerieflik naby die hoofpad, maar ver genoeg om 'n stil nag te hê. Volgende keer gaan ons beslis die aandete bespreek!

Sharlene O
Gesin met klein kinders

Beste oorslaap nog ooit.

Kamers is groot en skoon, op natuur se stoep.

Eddie T
Gesin met klein kinders

Lekker oornag stop tussen Gauteng en die Tuinroete.

‘n Unieke ervaring, aangesien die plek tussen die koppies is. Groot grasperk vir die kinders om rond te hardloop na die stil sit in die kar. Lekker dam om in af te koel. Kamers skoon en netjies en personeel baie vriendelik en behulpsaam.

Ewan R
Gesin met tieners

Groen gras om ons tent op te slaan en baie netjiese badkamers.

Ons was baie tevrede met die Welvanpas Guestfarm, omrede dit 'n mooi plasie is met groen gras om ons tent op te slaan. Die badkamers was baie netjies en skoon en dit help baie as mens heel dag al op die pad was en mens kan lekker in warm water stort en ontspan. Sal graag volgende keer eerder by die kamers inkom en aandete daar eet.

Martiens V
Gesin met tieners

Aangenaam en rustig.

Gasvry ontvang, mooi omgewing wat stil en rustig is. Groen gras om op te kamp en die mees netjiese ablusie geriewe wat ons nog teëgekom het.

Nuta L
Gesin met klein kinders

Heerlike atmosfeer.

Vriendelike mense. Heerlike kos. Gesellig. Lekker kaggel in die winter.

Barnard V
Saam met vriende

Baie lekker plek met goeie etes en wonderlike gasheer.

'n Baie goeie en waarde vir geld gastehuis wat 'n wonderlike plattelandse ondervinding gee.

Ronnie Lamb L
Saam met eggenoot/lewensmaat

Wonderful, friendly & peaceful sleep over.

What a wonderful friendly environment with good food and comfortable accommodation, ideal after a long day on the road.

Samantha S
Gesin met klein kinders

Vriendelike professionele diens, pragtige uitsigte, skoon en gemaklike kamers, fantastiese kos!

Die diens hier is tops. Het baie lekker en gemaklik gerus. Die platters en aandete het smulleker gelyk en geproe. Alles wat jy nodig het vir 'n naweek weg is beskikbaar.

Wayne M
Gesin met klein kinders

Basies en eenvoudig, maar alles wat jy nodig het.

Die swembad is nie in 'n bruikbare toestand nie, maar die uitstekende plaasatmosfeer en groot grasperk het meer as genoeg opwinding vir ons 3-jarige gebied. Sal volgende keer sommer aandete en ontbyt ook bespreek.

Kobus K
Gesin met tieners

Vriendelik en skoon.

Baie dankie, was 'n baie goeie "stop over" vir ons reis na George.

Elisma J
Gesin met klein kinders

Welvanpas is welgeleë en welgesind.

Lekkerste skaapskenkel ooit!

Elmarie D

Gasvry en behulpsaam.

Ongelooflike plek om oor te slaap. Ons was 'n groot groep en Johan en sy span het ons almal laat tuis voel. Ontbyt is uit die boonste rakke en word sterk aanbeveel. Dankie vir 'n baie gasvrye verblyf, ons kom weer as ons daar verby kom.

Cecilia N

Ons sal dit definitief aanbeveel vir ‘n oornag plekkie as mens ver ry.

Hulle het ons baie welkom laat voel – Die eenheid was skoon en netjies. Lek warm water vir stort. Daar was tee, gewone en rooibos en koffie, melk en suiker, so voordat ons uitgepak het, kon ons eers ‘n verversinkie geniet op die huis. Die plaas is pragtig en die meeste sterre wat ek nog in die lug gesien het. Ons kon ook bietjie op die plaas rondry en die omgewing so bietjie bewonder. Ons sal dit definitief aanbeveel vir ‘n oornagplekkie as mens ver ry.

Hennie V
Enkelreisiger

Lekker.

Baie lekker, goeie diens. Baie mooi plekkie.

Kobus V
Saam met eggenoot/lewensmaat

Groot waardering vir 'n vriendelike en behulpsame bestuurder.

Ons is vriendelik en gasvry ontvang in 'n baie mooi omgewing. Dankie Johan dat ons nie nodig gehad het om in die snerpende koue tent op te slaan nie.

Lynette Melané B
Gesin met klein kinders

Wonderlike diens, opregte gasvryheid.

Wat 'n wonderlike ervaring! Johan het ons ontvang met opregte gasvryheid en moeite gedoen om ons tuis te laat voel. Julle sien ons beslis weer! Hierdie is die beste gesinsoorslaapopsie wat ons in 'n lang tyd op LekkeSlaap raakgeloop het.

Johan se Terugvoer

Dankie Pierre,
Ons waardeer al die komplimente en laat weet wanneer julle weer kom kuier.
Van n lekker (-3) Koue Welvanpas,
Johan

Welvanpas Gasteplaas

Nardo S
Saam met eggenoot/lewensmaat

Lieflik!

Baie vriendelik en behulpsaam. Lekker oppie plaas!

Johan se Terugvoer

Dankie Nardo, Julle weet nou waar ons is so maak gou weer n draaitjie.

Welvanpas Gasteplaas

Marthie D
Gesin met tieners

Heerlike Karoo-gasvryheid, persoonlike diens - 'n oase!

Welvanpas bied 'n heerlike ruskans! Heerlike etes en gerieflike slaapplek met alles wat nodig is. Ons sal beslis weer daar oornag.

Johan se Terugvoer

Hi Marthie,
Dankie vir julle ondersteuning en vriendelikheid. Ek sien uit daarna om julle weer te verwelkom!

Welvanpas Gasteplaas

Pieter V
Gesin met klein kinders

Lekker oorslaap-plek.

Baie gerieflike oorslaap-plek op die N10. Kamer skoon en netjies. Kamer deel die kombuis-, braai en TV-area met 'n ander kamer, maar kamers en badkamers is afsonderlik vir die kamers.

Johan se Terugvoer

Hi Pieter,
Ons werk hard aan die 5de ster en ons hoop om jou gou weer terug te sien.

Welvanpas Gasteplaas

Herman D
Gesin met klein kinders

Amazing!

Johan en die span is baie vriendlik en behulpsaam. Kamers netjies en goed ingerig. Sal verseker weer van hulle gebruik maak.

Johan se Terugvoer

Hi Herman,
Dankie vir die vriendelikheid en ondersteuning.

Welvanpas Gasteplaas

Hannetjie C
Saam met eggenoot/lewensmaat

Die kamers is ruim en skoon, die omgewing is pragtig en die diens uitstekend.

Johan wat die gastehuis bestuur het ons baie welkom laat voel en het uit sy pad gegaan om ons verblyf fantasties te maak. Die omgewing is lieflik en die sterre in die aand onbeskryflik. Ek kan die gasteplaas aanbeveel aan mense wat 'n plek soek om oor te slaap.

Johan se Terugvoer

Dankie Hannetjie, hoop ons sien julle gou weer!
Groete,
Johan

Welvanpas Gasteplaas

Carel W
Saam met vriende

Goeie waarde vir geld.

Die verblyf is rustig, en heerlik om weg te wees van die stadsgewoel.

Johan se Terugvoer

Carel.
Baie dankie vir jou kommentaar op Welvanpas BB. Ons streef beslis daarna om te verbeter na 5 ster status!
Hoop om jou in die toekoms weer te sien,
Groete
Rita Moore ( eienaar)

Welvanpas Gasteplaas