Boutique Ocean Views

Gastehuis

Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Marinerylaan 16, Westcliff, Hermanus, 7200, Wes-Kaap
Geen kinders onder 16
Vanaf R4 000 per nag (plek vir 2)

Beskrywing

Boutique Ocean Views bied luukse verblyf met 'n ononderbroke see-uitsig in die hartjie van Hermanus, en is ideaal vir gaste wat die gewilde Hermanus kranspaadjie wil verken. Dit is 300 m vanaf die middedorp met verskeie restaurante en besienswaardighede.

Verblyf word in 5 luukse kamers, naamlik Seagull Room, Strelitzia, Yellow Rose, Zebra Room en Kwagga Room, aangebied. Elke kamer het lugversorging en 'n koninggrootte-bed wat as 2 enkelbeddens opgemaak kan word. Daar is ook 'n en suite-badkamer met 'n bad, stort, toilet en dubbelwasbak.

Elke kamer het 'n platskerm-TV met Netflix en YouTube, asook 'n sitkamerstel en tee- en koffiemaakgeriewe. Die kamers het 'n privaat balkon met 'n see-uitsig.

Gaste kan ontbyt in die ruim eetarea met 'n kaggel en gasbraaigeriewe geniet. Die sitarea het banke en 'n platskerm-TV met eksklusiewe DStv-kanale. Gratis WiFi is ook beskikbaar. Die sitarea het ook 'n kaggel.

Die vollengte-glasdeure lei na die stoep met 'n etenstafel met sitplek vir 10 gaste en 'n verhitte swembad met sonstoele. Veilige parkeerplek agter 'n afstandbeheer-hek is op die perseel beskikbaar.

Kry ’n Kwotasie