Geverifieerde Resensie
Dinokeng
Al die resensies is deur LekkeSlaap-gaste geskryf wat in Dinokeng bespreek het
Hierdie plek het 'n gemiddeld van 4.4 uit 5 gekry volgens 432 resensies.
"Uitstekend veral as 'n mens vir 'n kort tydjie (soos 'n naweek) wil wegbreek, maar nie te vêr wil ry nie. Baie om te sien en te doen."
"Dinokeng Game Reserve is amazing and still growing! Lots of wildlife to see there and its so close to Pretoria!"
"Gaste moet dalk ingelig word van die reservaat toelaag wat betaalbaar is op uitgang."
"Baie mooi omgewing en van wat ek gesien het is die plekke almal omhein vir beveiliging."
"Die enigste ding wat die eenheid gekort het was 'n staan-/plafonwaaier of 'n lugverkoeler. Gedurende die nag was dit vreeslik warm in die eenheid."
"Dit is ongelooflik om te dink hierdie stukkie hemel lê 'n uur weg van Pretoria. Dis soos om 'n smakie van die Kruger op jou voorstoep te hê. Die reservaat was skoon en vry van besoedeling van wat ons kon sien. Daar is meer as genoeg ander diere om te sien indien jy nie so gelukkig is om die Groot 5 te kan sien nie. Die "self drive" paaie wat mens ry om die wild te sien is in baie goeie toestand en enige gewone kar kan met gemak deur die hele reservaat ry. Ons was baie in ons skik met Dinokeng en sal beslis weer vir n nw daar gaan draai maak of net een oggend oor 'n naweek vroeg deurry en die dag daar gaan spandeer."
"Wye verskeidenheid dierelewe wat ongeërg wei langs die pad of voor jou venster. Natuurskone uitsigte so ver as wat jy kan sien."
"Die persoon by die Tau kantoor waar die bewaringsfooi betaal word wou nie vir ons 'n kwitansie uitreik nie. Hulle voel dit is onnodig. Dit skep egter 'n vraag by my. Word al die geld wat betaal word wel vir bewaring aangewend?"
"Dinokeng se roetes is nie baie mooi en verstaanbaar gemerk nie. Die kaart van Dinokeng lees ook nie baie maklik nie. Die paaie is nie baie goed gemerk nie. Die personeel by die hek waar ons die ingangstarief en bewaringsfooi moes betaal is nie goed opgelei nie. Daar kort nog heelwat opgradering in die park sou ek sê."
"Pragtige diere waarvoor jy nie hoef te gaan soek nie. Hier het ek meer diere gesien as wat ek al ooit in die Krugerpark gesien het."
"The reserve is a beautiful place. I wish guests staying over could be given a special pass because we asked to pay R80 when we went to the shops and told that we have to pay the same amount the following day. My partner negotiated with them and we were given a letter to produce the following day."
"Dinokeng is 'n pragtige reservaat wat nie die blootstelling daar buite kry wat dit eintlik verdien nie. Maar dan, dis 'n juweel van 'n plek wat jy nie met iemand wil deel nie (tong in die kies en met 'n oog-knip)."
"Ons was die Sondag in Dinokeng en het 'n selfrypas bekom teen 'n baie billike prys. Ons het baie wild te sien gekry, selfs die leeus. Die kaart is verstaanbaar en die paadjies mooi genommer en uitgewys. Daar is 'n paar plekke waar ons bietjie verdwaal het omdat 'n padaanwyser gedraai was, maar ons het gou weer ons pad gevind by die volgende padaanwyser."
