Verified Reviews
Dullstroom
All reviews have been left by LekkeSlaap customers staying in Dullstroom
Rated 4.5 out of 5 based on 1294 reviews.
"Om die dorp in die week te besoek is heeltemal anders as oor naweke. Dit bly in beide gevalle lekker om deur die winkels te loop. Ek geniet die eetplekke die meeste. Daar is beslis 'n groot verskeidenheid."
"Dullstroom is 'n lekker kuierplek vir plaaslike en oorsese toeriste."
"Ons het te min rondgeloop en die plek verken om ordentlike terugvoer te gee. Enigste rede hoekom ons oorgeslaap het, was om die Parkrun te gaan doen."
"In Dullstroom vind jy jouself. Die rustigheid en die mense wat daar bly laat jou altyd welkom voel. Sal definitief weer teruggaan, sonder om twee keer te dink. Dullstroom is definitief 'n vakansie-, sielvinding-bestemming."
"Dimitrov Art is pragtig! Wat van 'n bietjie meer kunsgalerye. Meer as genoeg restaurante om van te kies. Inwoners baie vriendelik en behulpsaam. "
"Jammer dat al die winkels 4uur toemaak. Het nogal gesukkel om uit te vind, op my eie, wat daar te doen is. Nie genoeg inligtingsborde nie. Met die uitry het ek gesien daar is nog plekke wat ek dalk sou wou besoek het. Daar was egter nie duidelike inligtingsborde om my nuuskierigheid te prikkel om te stop nie."
"Die dorpie het heelwat eet- en kuierplekke en ons het net paar besoek, as jy net wil rustig wees en ontspan, spandeer paar dae daar, dit sal weer jou batterye laai en verfris laat voel. Ons was nogal verbaas om die billike pryse by al die eetplekke te sien, al was ons naby aan Kersfees en gedurende die vakansietyd daar, ons is baie dankbaar daaroor."
"Baie mooi, maar baie klein, sal nie voorstel vir enige iets meer as 'n dag nie."
"Vir 'n baie klein plekkie, bied Dullstroom ongelooflik baie aan die besoeker met 'n groot verskeidenheid vir almal om te geniet en te ontspan."
"Dis 'n tipiese klein plattelandse dorpie. Hier is baie eetplekke en die Birds of Prey sanctuary is 'n moet."
"Not an overnight stop on the way somewhere else. Next time I will stay for a weekend at least."
"Wees versigtig om nie vas te val in die hoofstraat-manie nie. Daar's wonderlike restaurante en oulike dinge om te aanskou net af van die hoofstraat af. "
"Ons moes vroeër die jaar ons wegbreek kanselleer omdat Dullstroom nie water gehad het nie en was baie gelukkig om tog nog in die jaar Dullstroom te kon besoek. Dis 'n baie klein dorpie met goeie kunsgalerye vir dié wat van kuns hou. Daar is nie te veel attraksies nie en dis baie spesifiek soos bv. of kuns of hengel. Ons wou wel die Parkrun gaan doen het by Dullstroom se dam. Let wel die pad na die dam is nogal sleg, kort afstand, maar gewone karre kry maar seer. Dullstroom se restaurante is nogal lekker. So 'n kuier in Dullstroom is beslis 'n eet en kuier naweek. Mayfly het baie lekker burgers en pizzas en is glad nie sleg geprys nie. Dit was eintlik meer billik as die gemiddelde restaurante in Pretoria. Ons het ook by Pickles and Things gaan eet, maar hier is die pryse so bietjie hoër. Die lamspastei was besonders, maar mens betaal wel so bietjie meer om hier te eet. Die restaurant het wel nogal 'n lekker gevoel in die aande. Die dorpie raak maar verlate en stil in die aande en is wel lekker bedrywig deur die dag. "
