Beskrywing

At Patat Cottage is in die Langezandt Fisherman's Village in Struisbaai naby Kaap Agulhas geleë, wat 'n rustige rit van sowat 2 ure van Kaapstad af, deur die skilderagtige Overberg-streek, is.

At Patat Cottage bied slaapplek vir 4 gaste. Daar is 2 slaapkamers in die kothuis, waarvan een oor 'n koningingrootte-bed beskik en die tweede slaapkamer oor 2 enkelbeddens. Die hoofslaapkamer het 'n en suite-badkamer met 'n bad en 'n stort.

Die kothuis bestaan uit 'n knus leefarea met 'n kaggel sowel as 'n gesellige kombuis vir lang, luilekker maaltye na 'n dag by die strand. At Patat Cottage is volledig toegerus vir selfsorg-doeleindes met 'n mikrogolf, oond en stoofplaat, ketel, koffiemasjien, broodrooster, yskas-vrieskas, potte, panne, breekware, eetgerei en ander toebehore. Daar is ook 'n wasmasjien vir ekstra gerief!

Alle beddegoed word voorsien. Gaste moet asb. hul eie strand- en badhanddoeke saambring. Elektriese komberse is op versoek beskikbaar. Daar is ook 'n buitestort met warm en koue water wat perfek is om sanderinge voete mee af te spoel. Die stoep-area het 'n ingeboude braai en 'n eetkamertafel.

Dis die ideale omgewing vir voetslaan en die voëls, skoenlappers, skilpaaie en steenbokkies bied baie vir die oog. Langezandt Fisherman's Village is naby Kaap Agulhas, die mees suidelike punt van Afrika, geleë. Die bekende rooi-en-wit vuurtoring hier is nou al 'n nasionale monument. Gaste wat Struisbaai besoek, sal nie spyt wees nie. Kyk hoe die bote inkom en koop sommer vars vis vir aandete.