Beskrywing

Fork West Holiday Apartment - Ground Floor Unit 7 bied gerieflike selfsorgverblyf in 'n smaakvol versierde tweeslaapkamerwoonstel op die grondverdieping. Fork West Holiday Apartments is stapafstand van Elandsbaai se pragtige strand af.

Dié eenheid beskik oor 2 slaapkamers, 'n badkamer met 'n stort, en 'n oopplan-kombuis, -leefarea en -eetarea. Die eerste slaapkamer her 'n dubbelbed en die tweede slaapkamer het 2 enkelbeddens. Die kombuis is toegerus met 'n yskas, konveksie-oond, induksieplaat, ketel, broodrooster en basiese geriewe. Die leefarea beskik oor 'n ontbythoekie en 'n leefarea met 'n TV en sekere DStv-kanale. Die leefarea lei na 'n patio met meubels en braaigeriewe.

Elandsbaai is een van die Weskus se gewildste branderplankry-bestemmings, en sluit ook ander doendinge, soos roei, seiljag, visvang, kreefduik, duik, voëlkyk, walviskyk in seisoentyd, fotografie, voetslaan en bergfietsry in.