Beskrywing

Horizon Bay 1404 is 'n selfsorgwoonstel in 'n sekuriteitskompleks in die gewilde voorstad Bloubergstrand. Die woonstelgebou is oorkant die strand en promenade wat spog met allerlei restaurante en winkels.

Die ateljeewoonstel is stylvol ingerig en het 'n oopplan-uitleg met 'n slaaparea, sitkamertjie, en suite-badkamer, kombuis en balkon.

Die slaaparea het 'n koningingrootte-bed en skuifdeure wat as afskorting dien. Die badkamer het 'n stort-oor-bad, wasbak en toilet. Die moderne kombuis het 'n yskas-vrieskas, mikrogolfoond, stoof, oond, wasmasjien, breekware en eetgerei.

Die sitkamer het 'n gemaklike rusbank en TV. Die balkon het sitplek en 'n pragtige uitsig oor die Atlantiese Oseaan.

Gaste kan van die gemeenskaplike swembad gebruik maak met sy ononderbroke uitsigte oor Robbeneiland en op Tafelberg.