Heerlike tuishuis. Ons kuier altyd heerlik by Karoo Bederf! Die huis is netjies, ruim en gerieflik ingerig, mens voel sommer 'tuis' as jy instap met die mooi dekor en omgee-atmosfeer. Elzie is baie gaaf. Dankie, ons sien beslis weer!

Die perfekte Karoo tuiste vir die naweek. Karoo Bederf het aan al ons verwagtings voldoen! Perfek geleë in 'n stil, veilige woonbuurt. Die huis was netjies, skoon, volledig toegerus en ons het elke aand heerlik geslaap. Stapafstand van die Spar en Civic sentrum indien jy as feesganger konserte daar bywoon. Elzie is 'n vriendelike en sorgsame gasvrou en haar huis getuig daarvan. Ons sal vir seker weer daar tuisgaan!

Fantasties. Gerieflik. Waarde vir jou geld. Het baie lekker gebly. Was baie beïndruk met netheid en gemak in ons huis.

Fine. Nice house, comfortable and cozy. A bit uncomfortable with owners living on the premises. Also advertised a king size, but no king size available, only queen.

Rustig en warm. Dit was baie rustig en veilig.

Reed gedoen. Uitstekend, baie netjies. Voel of ek in my eie huis is.

Pragtig, huislik en uitstekende ligging. Was daar vir die KKNK. Die huis is ruim, netjies en rustig — 'n plaashuis-gevoel. Ons het soggens heerlik op die stoep ontbyt en koffie geniet en die lugverkoeler was 'n wenner tydens die Karoo-hitte! Elsie is 'n wonderlike gasvrou en baie vriendelik, ons het dadelik tuis gevoel, baie dankie!

Uitstekende verblyf in Oudtshoorn. Karoo bederf was netjies en gerieflik. Ons het heerlik gebly en ons tyd by Karoo bederf baie geniet. Gerieflik en het dadelik tuis gevoel.

Salig, rustig en "Wanneer is die volgende wegbreek?'. Karoo Bederf se huis en werf is goed! Elzie Stapelberg bied lieflike verblyf (kaggelvuurtjie ingesluit) met 'n uitstekende ligging, genoeg spasie vir rondbeweeg binne en buite. Ek beveel Karoo Bederf hoog aan t.o.v. ligging, gerieflik naby winkels, en die algehele beskikbaarheid om die huis en tuin te geniet en veilig te voel. Ek lig my hoed vir ons pragtige gasvrou en Vredestraat 13-verblyf. Ons kom weer.

Rustig en netjies. Het baie lekker gebly. Als was netjies en die eienaar was baie gasvry en het moeite gedoen om dit gemaklik vir ons te maak.