Mongu

Selfsorg

Kapasiteit: 12 mense
Inkloktyd: 14:00 tot 19:00
Uitkloktyd: 10:00
Adres: Mongoose-straat 2477, Marlothpark, 1321, Mpumalanga
Alle ouderdomme is welkom
Vanaf R4 800 per nag, vir 12 mense

Beskrywing

Mongu bied verblyf in 'n gerieflike selfsorghuis met slaapplek vir 12 gaste in Marlothpark, net 300 m van die Krokodilrivier en 600 m van die uitkykpunt af.

Dié dubbelverdiepinghuis het 4 slaapkamers, 4 badkamers, 'n kombuis, 'n eetarea en 'n sitarea. Die hoofslaapkamer is op die eerste verdieping en het lugversorging, 'n koningingrootte-bed en 'n enkelbed vir 'n kind. Die tweede slaapkamer het 'n koningingrootte-bed en die 2 kamers maak gebruik van 2 badkamers wat 'n bad of 'n stort het.

Die ander 2 slaapkamers is op die onderste verdieping. Die eerste slaapkamer het 'n koningingrootte-bed en 'n enkelbed, terwyl die tweede slaapkamer 'n dubbelbed en 2 enkelbeddens het. Elke slaapkamer het 'n en suite-badkamer met 'n stort en die kamers deel die gebruik van die aparte gastetoilet.

Die kombuis is met 'n stoof, oond, mikrogolfoond, yskas-vrieskas, eetgerei en breekware, potte, panne, 'n skottelgoedwasser en tee- en koffiemaakgeriewe toegerus. Etes kan by die etenstafel geniet word.

Gaste kan in die groot, oop sitarea wat 'n TV met Netflix, DStv en WiFi het ontspan en dié area het ook lugversorging.

Daar is 'n swembad, groot bomabraai, asook parkeerplek onder die bome.

Marlothpark bied die geleentheid om 'n verskeidenheid vrylopende wild te sien en gaste kan ook voëlkyk, fietsry, stap en vierwielmotorfietsry. Die dorp het 'n waterpark, putt-putt-baan en basiese geriewe soos 'n drankwinkel, restaurant, bakery, kuriowinkel en 'n vulstasie.

Kry ’n Kwotasie