Nirvana 12

Selfsorg

Kapasiteit: 4 mense
Inkloktyd: 14:00 tot 19:00
Uitkloktyd: 10:00
Adres: Corallaan 22, Bloubergstrand, 7441, Wes-Kaap
Alle ouderdomme is welkom
Vanaf R1 425 per nag (plek vir 4)

Beskrywing

Nirvana 12 is 'n pragtige selfsorgwoonstel in 'n veilige kompleks in die hartjie van Bloubergstrand. Dit is ideaal vir 'n naweekwegbreek by die see aangesien dit stapafstand vanaf die strand geleë is, waar 'n mens die asemrowende uitsig op Tafelberg kan bewonder.

Die stylvolle woonstel bied slaapplek aan 4 gaste en beskik oor 2 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n stort. Die tweede slaapkamer het 2 enkelbeddens en bied toegang tot die tweede badkamer wat ook 'n stort het. Alle linne en badhanddoeke word voorsien, maar gaste moet hul eie strandhanddoeke saambring.

Die oopplan-leefarea beskik oor 'n kombuis wat met 'n gasstoof, elektriese oond, mikrogolfoond, yskas-vrieskas, eetgerei, breekware en 'n skottelgoedwasser toegerus is. Daar is ook 'n toonbank met sitplek vir 4. Die sitarea het gemaklike sitplek en 'n TV. Gratis WiFi en bordspeletjies is ook beskikbaar.

Die leefarea lei na 'n oulike balkon vanwaar 'n mens die branders kan hoor en die seebriesie kan geniet. Die kompleks bied veilige parkeerplek agter 'n afstandbeheerde hek. Bloubergstrand bied 'n rits aktiwiteite en gewilde restaurante en winkelsentrums.

Kry ’n Kwotasie