Parker’s

Selfsorg

Kapasiteit: 10 mense
Inkloktyd: 14:00 tot 23:00
Uitkloktyd: 10:00
Adres: Link-weg 6, Southbroom, 4277, KwaZulu-Natal
Alle ouderdomme is welkom
Vanaf R3 850 per nag (plek vir 10)

Beskrywing

Hierdie ruim en luukse verblyf is die perfekte bestemming vir groot gesinne wat op soek is na 'n onvergeetlike vakansie-ervaring in Southbroom. Gaste kan nabygeleë staproetes verken of die pragtige strande in die omliggende area besoek.

Dié vakansiehuis het slaapplek vir 8 volwassenes en 2 kinders en beskik oor 5 slaapkamers, 4 badkamers, 'n kombuis en 'n leefarea. Beide die hoofslaapkamer en tweede slaapkamer het direkte toegang tot 'n privaat balkon wat asemrowende uitsig oor die omliggende area bied. Elkeen van hierdie slaapkamers het 'n koninggrootte-bed en 'n en suite-badkamer met 'n bad, stort, toilet en wasbak. Die derde slaapkamer het 'n koninggrootte-bed en die vierde slaapkamer het ook 'n koninggrootte-bed en 'n en suite-badkamer met 'n stort. Die vyfde slaapkamer het 'n koningingrootte-bed en die laaste badkamer het 'n bad en stort.

Die kombuis bied moderne toebehore en oorgenoeg toonbankspasie, perfek om heerlike maaltye voor te berei. Dit is met 'n yskas, stoof, oond, mikrogolf, broodrooster, lugbraaier, eetgerei, breekware en tee- en koffiemaakgeriewe toegerus. Hierdie area lei na die sitarea wat 'n etenstafel en 'n sitkamerstel het. Die tweede leefarea het 'n tweede sitkamerstel en 'n platskerm-TV. Daar is gratis WiFi en gaste kan met hul eie besonderhede inteken op Netflix- of Amazon Prime Video. ’n Omsetter verseker dat die huis nie deur kragonderbrekings geraak word nie.

Een van die hoogtepunte van hierdie verblyf is die buite-area. Gaste kan uitstap op die groot balkon waar alfresco-maaltye geniet kan word op die onderdak-stoeparea met gasbraaigeriewe. Gaste kan ook in die sprankelende swembad afkoel of net op die gemaklike sonstoele ontspan.

Hierdie vakansiehuis is in 'n rustige woonbuurt en bied uiterste privaatheid en rustigheid. Daar is 'n oorvloed aktiwiteite net 'n entjie se ry ver wat iets vir elke lid van die gesin sal bied.

Kry ’n Kwotasie