Geverifieerde Resensie
Western Cape
Al die resensies is deur LekkeSlaap-gaste geskryf wat in Western Cape bespreek het
Hierdie plek het 'n gemiddeld van 4.6 uit 5 gekry volgens 36701 resensies.
"Google help baie met reisbeplanning, maar mens het tog soms nodig om die inligtingkantoor van toerisme te skakel of te e-pos. Die dame was van groot hulp en het die ekstra myl geloop om my te kon help met inligting van Ladismith omdat Ladismith se inligting op die webwerf nie korrek was nie. Die dame by inligting van toerisme in Ladismith het gemeld dat hulle 'n groot agterstand gehad het en dat sy nou alles in haar vermoë doen om hul plek weer op die webwerf te sit en te adverteer."
"Ek hou van Lambertsbaai, want dis amper deel van my kontrei waar ek groot geword het. Het in die Olifantsriviervallei my jeugjare spandeer."
"Baie om te doen en om te sien, daar is baie om te doen vir oud en jonk soos die skulpiemuseum, die Dias museum en die posboom, die waterpark vir die kinders, die ATKV-park in Hartenbos is ook uitstekend vir kinders, heerlike eetplekke soos die Chinese restaurant, die Sea Gypsy en Delfino's was heerlik."
"Skoon en vriendelik. Jong mense het vir ons twee oues hul sitplek gegee op die MyCiTi-bus!"
"Lieflike dorpie met pragtige uitsigte. Die weer is aangenaam en warm en wonderlik vir swem. Daar is genoeg om te doen vir oud en jonk. Besoek gerus Clanwilliam."
"Mooiste, rustigste, veilige en skoon dorpie met die vriendelikste mense. Ek sal permanent daar kan bly."
"Hierdie plek is lieflik! Gaan Bokkomlaan toe, doen 'n rit op die Crackling Rosie, moenie die fossielpark mis nie en gaan sien Emmertjie se meer as moeite kos!"
"Ek en 'n vriend was by The Kombuis vir aandete. Pieter is 'n uitstekende kok! Ek en 2 vriende was ook by Café at the Rose vir ontbyt en dit was ook bobaas. Ek en vriende sal 'n week moet teruggaan om al die ander eetplekkies uit te toets!"
"Greyton is na genoeg aan Kaapstad om vir 'n dag of naweek te besoek. Die Saterdagoggend-mark is altyd 'n besoek werd."
"Behalwe om so 'n pragtige juweel van 'n dorp verder te bemark. Doen dit wat julle tans doen, en nog beter, julle het die wonderlike natuurskoon, werk daarmee. "
"Klein plekkie met relatief min te sien. Mense is baie vriendelik. Moorreesburg Deli se ontbyt was uitstaande."
