1078 Wildgoose Road

Selfsorg

Gratis kansellasie tot 24 uur voor jou verblyf!
Kapasiteit: 12 persone
Inkloktyd: 14:00 tot 20:00
Uitkloktyd: 09:00
Adres: Wildgoose-weg 1078, Marlothpark, 1301, Mpumalanga
Alle ouderdomme is welkom
Vanaf R5 600 per nag, vir 12 mense

Beskrywing

1078 Wildgoose Road is 'n pragtige en moderne selfsorghuis in die rustige Marloth Park Wildreservaat. Wild, onder meer koedoes, sebras, vlakvarke, impalas en bosbokke besoek gereeld die huis. Die oorvloedige voëllewe sal jou vermaak terwyl jy boeklees, afkoel in die swembad en 'n braai saam met vriende geniet.

Die huis bied slaapplek vir 12 gaste en beskik oor 4 slaapkamers en 4 badkamers.

Al die slaapkamers het lugversorging. Twee slaapkamers is op die onderste verdieping, waarvan die een met 'n koningingrootte-bed en 'n suite-badkamer met 'n stort ingerig is en die tweede slaapkamer het 'n koninggrootte-bed en 'n aparte badkamer met 'n stort.

Op die boonste verdieping is daar nog 'n en suite-slaapkamer met 'n koninggrootte-bed en 'n enkelslaapbank. Die badkamer het 'n bad en 'n buitestort. Die ander kamer is groot en beskik oor 2 dubbelbeddens, 2 driekwartbeddens en 2 enkelbeddens met 'n en suite-badkamer met 'n stort.

Wanneer dit te warm raak buite, kan gaste in die oopplan-sitkamer, -eetarea en -kombuisarea by die lugversorger gaan afkoel. Die volle DStv-pakket en onbeperkte WiFi is beskikbaar vir vermaak. Die huis het 'n omsetter om die ligte aan te hou gedurende beurtkrag en kragonderbrekings.

Die huis is modern ingerig en beskik oor 'n wasmasjien, skottelgoedwasser, 'n ysmaker, mikrogolf, gasstoof en oond. Daar is ook 'n drankkoelkas op die patio.

Kry ’n Kwotasie