+33

323 Kusweg Tergniet

12 resensies

Selfsorg

Kapasiteit: 8 persone
Geen kinders onder 6
Inkloktyd: 14:00 tot 18:00
Uitkloktyd: 09:00
Adres: 323 Kus Road, Tergniet, Mossel Bay, 6525, Wes-Kaap
Vanaf R3 500 per nag, vir 8 mense

Beskrywing

323 Kusweg Tergniet bied gehalte gesinsverblyf in 'n seefront-strandhuis naby Mosselbaai in Tergniet. Tergniet is ongeveer 15 km vanaf sentraal Mosselbaai, George en Hartenbos.

Die huis beskik oor 4 slaapkamers en 4 badkamers. Twee slaapkamers het elk 2 enkelbeddens en 'n en suite-badkamer met 'n bad of 'n stort in. Die derde slaapkamer het ook 2 enkelbeddens en die vierde slaapkamer het 'n koningingrootte-bed. Die 2 aparte badkamers het storte en word gedeel. Drie slaapkamers spog met pragtige see-uitsigte.

Die oopplan-leefarea het 'n ten volle toegeruste kombuis met 'n yskas, vrieskas, mikrogolfoond, stoof, oond, koffie- en teemaakgeriewe, breekware, eetgerei en 'n skottelgoedwasser. Daar is ook 'n wasmasjien en 'n tuimeldroër in 'n aparte waskamer. Die sitarea het gemaklike sitplek en 'n platskerm-TV. DSTV Stream is beskikbaar. Daar is ook 'n lieflike, ruim stoep met 'n pragtige see-uitsig aan die voorkant van die huis.
Daar is 'n binne en buite braai beskikbaar.

Wi-Fi is beskikbaar, maar indien jul beplan om te werk tydens jul wegbreek, moet jul jul eie Wi-Fi saamneem.
Veilige parkering binne 'n motorhuis vir twee motors.
Die huis het diefwering voor vensters, sekuriteits-deure en 'n alarmstelsel.
Neem u eie stort en strand handdoeke.
Die huis is selfsorg daarom is jul verantwoordelik vir jul eie verbruiksitems.
Ons is nie troeteldier_vriendelik nie.

Die huis is slegs 'n paar meter van die strand af. Gaste kan 'n glasie wyn geniet terwyl hulle die walvisse en dolfyne in die water dophou. Daar is talle aktiwiteite in die area, insluitend gholf, visvang en uitstappies na plaaslike besienswaardighede.

Bespreek