Franskraal Akkommodasie by Allie's Place | LekkeSlaap

+27

Allie's Place

1 resensie

Selfsorg

Vanaf R2 700 per nag (plek vir 8)
Kapasiteit: 8 persone
Inkloktyd: 14:00 tot 17:00
Uitkloktyd: 10:00
Adres: Maraisstraat 173 , Franskraal, 7220, Wes-Kaap
Alle ouderdomme is welkom

Beskrywing

Allie's Place is in Franskraal sowat 6 km vanaf Gansbaai geleë. Dis naby 'n swemarea en die omgewing is ideaal vir stap, draf en fietsry.

Dié huis is smaakvol versier en beskik oor 5 slaapkamers, 4 badkamers en 'n oopplan-kombuis en -leefarea. Die huis is geskik vir 6 tot 8 volwassenes en 4 of 6 kinders.

Die hoofslaapkamer is op die boonste verdieping en het 'n koninggrootte-bed en 'n en suite-badkamer met 'n bad en 'n stort. Die tweede kamer is ook op die boonste verdieping en het 2 stapelbeddens, 'n pool-tafel en 'n platskerm-TV teen die muur. Die kamer maak van 'n aparte badkamer met 'n stort gebruik. Die ander kamers is almal onder. Die derde slaapkamer het 'n koningingrootte-bed en 'n en suite-badkamer met 'n stort. Die vierde slaapkamer het 'n dubbelbed en die vyfde slaapkamer het 2 enkelbeddens. Dié kamers deel 'n badkamer met 'n bad.

Die kombuis is toegerus met 'n stoof, oond, yskas-vrieskas, mikrogolf, eetgerei en breekware. Daar is ook 'n toonbank met stoele. Die eetarea het sitplek vir 12 en die sitkamer het 'n gemaklike sitkamerstel.

Die leefarea lei na 'n dek met 'n etenstafel en sitplek. Dis die ideale plek om privaat te sonbaai. Die dek en leefarea bied ook 'n see-uitsig.

Kry ’n Kwotasie