Aloe and Acacia House

Selfsorg

Soos Gesien op Facebook
Kapasiteit: 7 mense
Inkloktyd: 14:00 tot 18:00
Uitkloktyd: 10:00
Adres: Kriedoringstraat 23, Bekbaai, Paternoster, 7381, Wes-Kaap
Geen kinders onder 1
Vanaf R1 230 per nag (plek vir 3)

Beskrywing

Aloe and Acacia House is op 'n heuweltjie geleë en het 'n uitsig oor Paternoster. Die huise is 100 m van die gastehuis af en net 'n entjie se stap vanaf die strand. Dit is in 'n rustige omgewing en die ideale plek om te ontspan.

Verblyf word gebied in 2 selfsorghuise wat ontwerp is met die oog op privaatheid, rustigheid en gerief. Die huise het alles wat nodig is om maaltye voor te berei en te kook. Die slaapkamers het koningingrootte-beddens en die dekor is geïnspireer deur die natuur.

Gaste word soggens wakker met die klank van die branders en seevoëls en kan ontbyt op die boonste stoep met 'n pragtige uitsig oor die see geniet. Dié area is ook ideaal vir sterrekyk saans. Elke huis het 'n oopplan-leefarea wat na 'n stoep met braaigeriewe lei. Die huise het ook elk 'n kaggel in die leefarea en gratis WiFi.

Die huise word daagliks skoongemaak en word volledig van sonkrag voorsien. Gaste sal dus nie deur beurtkrag verontrief word nie. Parkeerplek is in die straat en op die perseel beskikbaar en daar is 'n kamerastelsel en laserstraalsekuriteit om die huis, asook 'n sekuriteitswag wat elke nag aan diens is.

Die pragtige tuin het inheemse plante, veral spekbome, wat 'n oorvloed voëls en bye lok.

Kry ’n Kwotasie