+36

Beach Break

9 resensies

Selfsorg

Kapasiteit: 9 persone
Inkloktyd: 15:00 tot 19:00
Uitkloktyd: 10:00
Adres: Kusweg 15, Scarborough, 7975, Wes-Kaap
Alle ouderdomme is welkom
Vanaf R2 300 per nag (plek vir 9)

Beskrywing

Beach Break is 'n lig, sonnige, baie privaat selfsorg-dubbelverdiepinghuis wat in Kusweg, Scarborough geleë is. Dis slegs ’n minuut se stap van die strand af. Dis ook die ideale plek om tyd saam met geliefdes deur te bring en die natuur te geniet. Ná 'n dag se swem en verken, kan jy huis toe kom vir 'n salige nagrus. Jy kan ook in die middagson ontspan, op die grasperk baljaar, 'n drankie op die balkon geniet of voor die vuur sit en die sonsondergang bewonder.

Beach Break het oorgenoeg plek vir 1 of 2 gesinne met slaapplek vir 6 volwassenes en 3 kinders, of 4 volwassenes en 5 kinders. Dis ook perfek vir 'n romantiese wegbreek, want die Koning kamer is op die boonste verdieping.

Die huis beskik oor 3 slaapkamers met en suite-badkamers. Die hoofslaapkamer is op die boonste verdieping en het 'n koninggrootte-bed en 'n en suite-stort. Die tweede slaapkamer het 'n koningingrootte-bed en 'n en suite-stort. Die derde slaapkamer het 'n dubbelbed, 'n enkelbed en 'n stapelbed, asook 'n en suite-badkamer met 'n stort, wasbak en toilet. Die tweede en derde kamers lei na die tuin.

Die kombuis, sitkamer en eetarea is oopplan en kry heerlike oggendson. Jy kan ontbyt op die agterste balkon geniet en die berguitsig bewonder. Die selfsorgkombuis is volledig toegerus en sluit 'n skottelgoedwasser en koffiemasjien (bring asb. jou eie bone), asook 'n ontbythoekie met stoele in. Die eetarea het 'n groot etenstafel met stoele vir 8. Die leefarea het gemaklike rusbanke, bordspeletjies, musiek-koppelstasie en komberse. Daar is ook 'n kaggel.

Die leefarea het skuifdeure wat lei na die boonste balkon met oorgenoeg sitplek, braaigeriewe en 'n oprol-sonskerm.

Die groot veilige tuin is ideaal vir kinders om in te speel en daar is ook 'n mandjie met speelgoed, soos balle en rakkette. Verder is daar 'n vuurput en braai-area in die agtertuin.

Camel Rock Restaurant en The Hub Café & Foragers Deli is nabygeleë. Gaste kan Kaappunt verken, Boulders Beach se pikkewyne gaan kyk en Kommetjie, Long Beach, Noordhoek en Chapman's Peak Drive besoek. Beach Break is 40 minute se ry van Kaapstad se sakekern en die V&A Waterfront af.

Kry ’n Kwotasie