Beach Club 207

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 22:00
Uitkloktyd: 10:00
Adres: Beach-boulevard Oos, Diazstrand, Mosselbaai, 6500, Wes-Kaap
Vanaf R2 100 per nag (plek vir 6)

Beskrywing

Beach Club 207 is in Diaz Beach, Mosselbaai geleë en bied gehalteverblyf vir 'n gesin of groep vriende. Dit is binne maklike bereik van 'n groot winkelsentrum, restaurante, die swemstrand, doendinge en besienswaardighede.

Die woonstel beskik oor 3 slaapkamers en bied slaapplek aan tot 6 gaste op 'n slag. Elke kamer het vensters aan die noordekant van die woonstel, wat dit ook geskik maak vir wintervakansies. Die hoofslaapkamer is ingerig met 'n koningingrootte-bed en 'n en suite-badkamer met 'n stort, toilet en wasbak asook 'n verhitte handdoekreling. Die tweede slaapkamer het 'n dubbelbed die derde slaapkamer 2 enkelbeddens, en die tweede badkamer het 'n bad, instapstort, toilet en wasbak asook 'n verhitte handdoekreling.

Die oopplan-kombuis is toegerus met 'n dubbelwasbak, 'n glasstoofplaat, oond, yskas-vrieskas, mikrogolfoond, Nespresso-koffiemasjien, lugbraaier, en koffie- en teemaakgeriewe, breekware en eetgerei, asook piekniekware, om te gebruik by die buitebraai of op die ruim grasperk voor die gebou. Ander geriewe sluit 'n skottelgoedwasser, wasmasjien en tuimeldroër-kombinasie in, en 'n groot granietblad met sitplek vir 8 gaste.

Die sitkamer het gemaklike rusbanke asook 'n groot platskerm-TV. Gaste kan ook komplimentêre WiFi-toegang geniet. Daar is ook 'n omskakelaar wat die TV en rekenaars aan die gang hou tydens beurtkrag.

Die balkon bied onbelemmerde uitsigte oor die see vanaf Kleinbrak tot by Mosselbaai en is toegerus met 'n stoeptafel, stoele, Weber-braai en wasgoedlyn. Swemhanddoeke word voorsien.

Gaste het gratis toegang tot die hotel se groot, kouewater-swembad wat langs die swemstrand geleë is. Die hotelle, waterpark, gimnasium, restaurant en seefrontkroeg is langs die gebou geleë. 'n Kragopwekker verskaf elektrisiteit aan die hysbak tydens beurtkrag.

Kry ’n Kwotasie