Beachfront Bliss

Selfsorg

Soos Gesien op Facebook
Kapasiteit: 6 mense
Inkloktyd: 15:00 tot 19:00
Uitkloktyd: 10:00
Adres: Rocherpan 54, Dwarskersbos, 7365, Wes-Kaap
Alle ouderdomme is welkom
Vanaf R9 500 per nag (plek vir 6)

Beskrywing

Beachfront Bliss is 'n dubbelverdiepingvakansiehuis net 'n paar meter vanaf Dwarskersbos se strand. Dié huis is ideaal vir gaste wat op soek is na 'n rustige wegbreek by die see.

Die stylvolle huis bied slaapplek aan 4 volwassenes en 2 kinders en beskik oor 3 slaapkamers, 3 badkamers, 'n kombuis en 'n leefarea. Die hoofslaapkamer het 'n koninggrootte-bed en 'n en suite-badkamer met 'n bad, stort en 'n buitestort.

Die tweede slaapkamer het 'n koningingrootte-bed en 'n en suite-badkamer met 'n binne- en buitestort. Die derde slaapkamer op die solder bied toegang tot 'n privaat balkon. Dié slaapkamer het 2 enkelbeddens, 'n rusbank en 'n en suite-badkamer met 'n stort.

Die oopplan-kombuis is met 'n yskas-vrieskas, gasstoof, elektriese oond, mikrogolfoond, eetgerei en breekware toegerus. Daar is ook 'n eiland met stoeltjies waar gaste ontbyt kan geniet. Die groot leefarea het gemaklike rusbanke en 'n kaggel. Daar is ook 'n gastetoilet op die onderste verdieping. Let asb. dat die huis nie 'n TV het nie, maar daar is wel WiFi. 'n Wasmasjien en 'n tuimeldroër is ook beskikbaar.

Skuifdeure bied toegang tot 'n stoep met buitebraaigeriewe, 'n pizza-oond en 'n etenstafel, asook 'n houtdek met 'n verhitte plonspoel. 'n Privaat houtpaadjie bied direkte toegang tot die strand. Gaste kan gerus die enkel- en dubbelkajak en 2 fietse gebruik. Veilige parkeerplek is op die perseel beskikbaar.

Kry ’n Kwotasie