Bernards Breeze

Selfsorg

Kapasiteit: 6 mense
Inkloktyd: 14:00 tot 17:00
Uitkloktyd: 11:00
Adres: Bernardstraat 717, Pringlebaai, 7196, Wes-Kaap
Alle ouderdomme is welkom
Vanaf R2 500 per nag (plek vir 6)

Beskrywing

Bernards Breeze is 'n bekoorlike selfsorgkothuis in Pringlebaai. Die kothuis is naby die strand geleë en is ideaal vir 'n ontspannende gesinsvakansie.

Die dubbelverdiepingkothuis bied slaapplek aan 6 gaste en beskik oor 3 slaapkamers, 3 badkamers en 'n oopplan-leefarea met 'n kombuis. Die hoofslaapkamer het 'n koningingrootte-bed en 'n en suite-badkamer met 'n bad. Hierdie slaapkamer is op die boonste verdieping geleë en het 'n glasdeur wat na 'n balkon met 'n pragtige berguitsig lei. Daar is ook 'n leeshoekie met gemaklike stoele aan die bokant van die trap. Die tweede en derde slaapkamer is op die onderste verdieping en het onderskeidelik 'n koningingrootte-bed en 2 enkelbeddens. Daar is 'n en suite-badkamer met 'n stort in die tweede slaapkamer en die derde slaapkamer het toegang tot 'n aparte badkamer met 'n bad. Linne en badhanddoeke word voorsien, maar gaste moet hulle eie strandhanddoeke saambring.

Op die onderste verdieping is daar 'n kombuis wat met 'n gasstoof en 'n elektriese oond toegerus is, en dit lei na 'n opwaskamer wat met 'n mikrogolfoond, yskas-vrieskas, skottelgoedwasser en 'n wasmasjien toegerus is. Die leefarea het 'n etenstafel met sitplek vir 6 en 'n knus sitarea met 'n TV en 'n kaggel.

Die huis het ook 'n omsetter en 'n batterystelsel sodat gaste die noodsaaklike geriewe tydens beurtkrag kan gebruik.

Die toegeboude stoep spog met 'n ingeboude braai en 'n buite-etenstafel. Die omheinde tuin bied 'n veilige area vir kinders om te speel en die trampolien dra tot die pret by.

Kry ’n Kwotasie