+24

Blyde River Cabin

Selfsorg

Kapasiteit: 6 persone
Inkloktyd: 14:00 tot 17:00
Uitkloktyd: 10:00
Adres: Erfdeel 19, Middlesex 205KT Plaas, Hoedspruit, 1380, Limpopo
Alle ouderdomme is welkom
Vanaf R2 600 per nag (vir 6 persone)

Beskrywing

Blyde River Cabin Guesthouse is 'n privaat houthuisie in 'n wildreservaat op die rand van 'n bedreigde rivierwoud. Hier sal die gekabbel van die Blyderivier jou van al jou sorge laat vergeet. Die opset is ideaal vir 'n gesinswegbreek, romantiese naweek of as basis om die Blyderivier Canyon, Krugerwildtuin en ander besienswaardighede in die omgewing te verken. Ons bied doendinge op die perseel, soos begeleide uitstappies in die bos, wildritte en nagritte.

Die hut is volledig toegerus en het plek vir 6 gaste. Daar is ablusiegeriewe, DStv (in die sitkamer-area), lugversorging, veilige onderdakparkeerplek, 'n braaiplek, klimraam en sandput. Kinders van alle ouderdomme is welkom, maar hou asseblief in gedagte dat die eiendom nie omhein is nie en dat daar wild in die omtrek is.

Sit op die dek met sy pragtige uitsig oor die rivier. Ontspan en bewonder die omgewing, kyk of jy die skugter Visuil of die ander wild wat in die bosse skuil kan gewaar. Seekoeie, krokodille, nagapies, Kaapse bobbejane, waterbokke, kameelperde, koedoes, rooibokke, vlakvarke en hiënas is al van die dek af gewaar. Daar is ook tekens (klanke en spore) van meer skugter diere soos bosuile en luiperds.

Kry ’n Kwotasie