Bona View G36

Selfsorg

Kapasiteit: 6 persone
Inkloktyd: 14:00 tot 20:00
Uitkloktyd: 10:00
Adres: Cormorantlaan, Bona View G36, Bloubergstrand, 7441, Wes-Kaap
Alle ouderdomme is welkom
Vanaf R1 580 per nag (plek vir 6)

Beskrywing

Bona View G36 is ‘n selfsorgwoonstel in Bloubergstrand naby die kus. Bloubergstrand bied ‘n lieflike uitsig op Tafelberg en is ideaal vir diegene wat Kaapstad of die omliggende area wil verken. Die strand is ook ideaal vir watersport, soos vlieërbranderry en seilplankry, en doendinge soos vierwielmotorfietsry, voetslaan, inkopies doen en uiteet kan ook geniet word.

Dié dupleks beskik oor 3 kamers en 2 badkamers op die onderste verdieping en ‘n leefarea op die boonste verdieping. Daar is slaapplek vir 6.

Die hoofslaapkamer het ‘n koningingrootte-bed en ‘n en suite-badkamer met ‘n stort, toilet en wasbak. Dié kamer het ook ‘n skuifdeur wat na die balkon lei. Die tweede kamer het ook ‘n koningingrootte-bed en die derde kamer het 2 enkelbeddens. Die tweede badkamer het ‘n bad, stort, toilet en wasbak.

Die kombuis is toegerus met ‘n stoof, oond, yskas-vrieskas, mikrogolf, eetgerei en breekware. Daar is ook ‘n skottelgoedwasser, wasmasjien en tuimeldroër. Die eetarea het sitplek vir 8 en die sitarea het ‘n gemaklike sitkamerstel, kaggel en ‘n platskerm-TV met DStv en Netflix. Gratis WiFi is beskikbaar. Die sitarea lei na ‘n balkon met ‘n gasbraai en ‘n gedeeltelike uitsig op Tafelberg.

Kry ’n Kwotasie