Brooklyn Blok

Selfsorg

Soos Gesien op Instagram
Kapasiteit: 10 mense
Inkloktyd: 14:00 tot 19:00
Uitkloktyd: 10:00
Adres: Duncanstraat 1148, Brooklyn Blok, Brooklyn, 0181, Gauteng
Geen kinders onder 12
Vanaf R1 250 per nag (plek vir 2)

Beskrywing

Brooklyn Blok bied unieke, moderne pod-betoneenhede in die hartjie van Brooklyn in Gauteng. Dit is die ideale oornagverblyf vir enkelreisigers, paartjies of sakereisigers aangesien dit naby privaat hospitale, skole en ambassades geleë is.

Verblyf word in 5 oopplan-ateljeewoonstelle wat elk slaapplek vir 2 gaste het, gebied. Elke ateljeewoonstel het 'n koningingrootte-bed en 'n en suite-badkamer met 'n stort, wasbak en 'n toilet in. Skoon, wit linne en badhanddoeke word voorsien.

Elke woonstel het ook 'n leefarea met 'n rusbank, 'n slim-TV en 'n kombuisie wat met 'n mikrogolfoond, yskassie, Nespresso-masjien, eetgerei en breekware toegerus is. Gratis WiFi is beskikbaar.

Elke ateljeewoonstel lei na 'n privaat stoep met sitplek. Die verblyf bied veilige parkeerplek, 'n wassery en 'n gemeenskaplike braai-area op die perseel. Brooklyn Mall is ook net 'n entjie ver.

Kry ’n Kwotasie