by Buffaloland Safaris - Nyati Pools Camp | LekkeSlaap

Buffaloland Safaris - Nyati Pools Camp

3 resensies

Selfsorg

Kapasiteit: 10 persone
Inkloktyd: 14:00 tot 19:00
Uitkloktyd: 10:00
Adres: Buffaloland Wildplaas, R40, Guernsey-weg, Hoedspruit, 1380, Limpopo
Alle ouderdomme is welkom
Vanaf R1 100 per nag (vir 2 persone)

Beskrywing

Buffaloland is 'n wildplaas wat deur die Vastapane-familie besit word en is in 1998 gestig om Afrika se natuurerfenis te bewaar en 'n eksklusiewe Afrika-ervaring te bied. Aangesien Buffaloland net 'n klipgooi vanaf die Krugerwildtuin is, is dit die perfekte plek om die Groot 5 te ontdek en daar is 'n rits unieke besienswaardighede in die omtrek wat onvergeetlike ervarings beloof. Aangesien daar 'n verskeidenheid wild in Buffaloland self is, is dit nét so lekker om tuis te bly en te ontspan by die watergate waar diere kom suip of op 'n opwindende wildrit te gaan.

Verblyf word aangebied in die Nyati Pools-selfsorgtentkamp onder die bome op die Mazaiembangi-rivieroewer. Die tente is gemaklik, dog ongekunsteld en bied 'n egte Afrika-ervaring.

Daar is 5 tente wat elk ingerig is met 2 enkelbeddens en oor 'n privaat dek beskik. Die tente deel die gebruik van 2 aparte badkamers, elk met 'n stort, toilet en 'n wasbak wat versteek is tussen die tente. Daar is 'n volledig toegeruste kombuis naby die grasdak-eetarea, langs die vuurput en die swembad. 'n Skuilte bo die gebou bied 'n voëlvlug-uitsig van die watergat en die omliggende bome en voëllewe.

Nyati-tentkamp bring jou só naby aan die wild, dat jy hulle kan sien en hoor. Soos jy snags in die bed lê en deur die Afrika-bos besing word, sal jy uitsien na alles wat Afrika vir jou inhou vir die volgende dag en saggies wegdryf in 'n wilde Afrika-droom.

Kry ’n Kwotasie