Bushbuck Gardens Farm Retreat

Selfsorg

Kapasiteit: 4 mense
Inkloktyd: 14:00 tot 18:00
Uitkloktyd: 11:00
Adres: Bushbuck Gardens Plaas, Humansdorp, 6300, Oos-Kaap
Alle ouderdomme is welkom
Vanaf R1 000 per nag (plek vir 2)

Beskrywing

Bushbuck Gardens Farm Retreat is langs die Kromrivier. Dit bied lieflike selfsorgverblyf in 2 vrystaande huisies met mooi uitsigte oor die omliggende bosveld. Die verblyf is die ideale opsie vir 'n romantiese wegbreek aangesien elke huisie 'n privaat houtdek met 'n houtvuurwarmbad het.

Elke huisie is perfek vir 2 gaste en het 'n koningingrootte-bed en 'n oopplan-ontwerp. Die en suite-badkamer van elke huisie het 'n stort, wasbak en toilet. 'n Matras vir 'n kind onder 3 jaar is op versoek beskikbaar.

Elke huisie het ook 'n sitarea en 'n kombuisie wat met 'n tweeplaat-gasstoof, mikrogolf, yskas-vrieskas, eetgerei, breekware en tee- en koffiemaakgeriewe toegerus is. Gaste kan maaltye by 'n etenstafel nuttig. Gratis WiFi is beskikbaar in elke huisie.

Buite elke huisie is daar 'n onderdak-houtdek met buitesitplek, ingeboude braaigeriewe en 'n houtvuur-warmbad wat die ideale plekkie is vir 'n skemerkelkie. Gaste kan die toevlugsoord verken deur op die rivier te roei in 'n kajak, of gaste kan net al langs die rivier af stap en voëlkyk.

Kry ’n Kwotasie