Bushbuck Rock Lodge

Ontevrede met klientediens van agent/eienaars van die verblyf.

Lekker gebly, pragtige huis, volledig toegerus, maar ontevrede oor die klientediens vanaf die agent/eienaar. Op aankoms het ons gevra vir die WiFi se wagwoord, soos geadverteer, en daar is aan ons genoem dat die agent dit van die eienaars sal aanvra. Na dae se wag en versoeke van my kant af, het sy bevestig dat die wagwoord nie eintlik die probleem is nie, maar dat daar fout is met die torings, wat ek ook nie glo nie, want ons almal kon gebruik maak van ons selfone se data. Ek voel hulle kon vooraf vir my gesê het daar is wel nie WiFi beskikbaar nie, sodat ek ander reelings daarvoor kon tref. Volgens die onderhoudspan kan niemand ooit op die WiFi kom nie, so volgens my is dit iets wat nie geadverteer kan word nie. En as ek vooraf geweet het, kon ek my eie router bring, en onnodige data-aankope vir my gesin vermy. Ek voel ek het genoeg betaal vir die huis om wel die wagwoord vir die WiFi te kon kry. Onnodige kommentaar vanaf die agent soos: "Vergeet die WiFi, geniet eerder net die bos" is ook onaanvaarbaar. As daar iets geadverteer word, verwag ek dit! Ek werk vir myself, so alhoewel dit hemels sou wees om net die bos te kon geniet, is die realiteit dat ek maar moet werk as dit vereis word van my af. Dit het in elk geval met die agent niks te doen wat ek kies om op my vakansie te doen nie. Die WiFi is natuurlik al minder die probleem, maar eerder die kommunikasie vanaf die agent/eienaar wel. Ek stel voor daardie diens word verwyder van hulle/julle advertensie - dit is duidelik onbeskikbaar en onbereikbaar vir die hele week wat ons daar was.