Drakensberge Akkommodasie by Cathedral Peak Hotel | LekkeSlaap

+54

Cathedral Peak Hotel

Hotel

Vanaf R3 230 per nag (vir 2 persone)
Kapasiteit: 254 persone
Inkloktyd: 14:00 tot 19:00
Uitkloktyd: 10:00
Adres: Cathedral Peak Rylaan 1, Drakensberg, 3340, KwaZulu-Natal
Alle ouderdomme is welkom

Beskrywing

Cathedral Peak Hotel is sowat 250 km vanaf Durban en 400 km vanaf Johannesburg en word deur 'n familie besit en bestuur. Dit bied ongeëwenaarde toegang tot die Drakensberge, binne 'n Wêrelderfenisgebied. Cathedral Peak Hotel maak voorsiening vir konferensies en troues en bedien smaaklike buffetetes en warm gasvryheid.

Verblyf is beskikbaar in gesinskamers, standaardkamers, superieure kamers, wittebrood-suites en die presidensiële suite. Geriewe in die kamers sluit 'n waaier, TV met sekere DStv-kanale en tee- en koffiemaakgeriewe in. Party van die kamers het ook 'n kroegie wat op versoek met voorraad gevul kan word, asook 'n privaat stoep.

Cathedral Peak Hotel bied 'n ten volle toegeruste, moderne, konferensiesentrum vir tot 200 afgevaardigdes en die bekoorlike klip-en-gras-kapel is ideaal vir onvergeetlike plattelandse troues. Daar word voldoende na gesinne omgesien met 'n eetkamer vir kinders, speelgrond met trampolien, binnenshuise vermaaklikheidsprogramme in seisoen, en baba-oppassers op versoek. Volwassenes kan ook die bekende Harry's Bar besoek of in Alert's Cocktail Bar ontspan.

Die uitgebreide reeks geriewe en doendinge sluit die volgende in: verhitte buitelugswembaddens, mini-avontuurgholf, tennis, muurbal, forelhengel, bergfietsrypaadjies, vierwielfietsritte met wegwysers, verfbal in die bos en gratis daaglikse wandelings saam met gidse. Die onberispelike 9-putjie-gholfbaan is op die hotel se perseel geleë en bied alternatiewe bowwe vir 'n 18-putjiespel, Boogskiet en opwindende helikoptervlugte is ook naby.

Kry ’n Kwotasie