CoCo de Mer Self Catering Logs

Selfsorg

Kapasiteit: 8 mense
Inkloktyd: 14:00 tot 17:00
Uitkloktyd: 10:00
Adres: Sybille-straat 51, Lambertsbaai, 8130, Wes-Kaap
Alle ouderdomme is welkom
Vanaf R1 500 per nag (plek vir 4)

Beskrywing

CoCo de Mer Self-catering bied gerieflike selfsorgverblyf net 100 m vanaf Malkopbaai se strand af.

Log Cabin 1 en 2 word via trappe bereik en beskik oor 1 slaapkamer, 'n badkamer, kombuis en sitarea. Die slaapkamer het 'n koningingrootte-bed en daar is nog 2 enkelbeddens in die leefarea. DIe badkamer het 'n stort en toilet. Linne, badhanddoeke en 'n verwarmer word voorsien.

Die oopplan-kombuisie is met 'n yskas, gasstoof en mikrogolfoond en lugbraaier toegerus en daar is 'n toonbank waar gaste hul maaltye kan geniet. Die sitarea het gemaklike sitplek en 'n TV, asook WiFi.

Gaste het toegang tot die gemeenskaplike swembad en braaigeriewe. Skaduparkeerplek is beskikbaar en die perseel word met 'n elektriese heining beveilig.

Lambertsbaai bied gaste 'n verskeidenheid buitelug-restaurante en -aktiwiteite soos sandplankry, swem, branderplankry, visvang, 4x4-ritte, veerbootritte na Bird-eiland of gaste kan tussen Augustus en November dophou hoe die dolfyne en walvisse met hul kalfies migreer. Blommetyd is gewoonlik tussen Augustus en Oktober elke jaar.

Kry ’n Kwotasie