Colourful Manor Luxury Lodge

Voeg by Gunstelinge

 

Langtermynverblyf-aanbod 20 % af

Kry 20% af vir verblyf wat 7 nagte of langer is. Hierdie aanbod is altyd geldig.

Beskrywing

Bokant die stranddorp Gordonsbaai op 'n ruim strook fynbos van 4 hektaar sit die Colourful Manor Luxury Lodge. Hier kan gaste die ongerepte natuurlike omgewing geniet terwyl hulle alle geriewe byderhand het.

Colourful Manor is gerieflik naby winkelsentrums, restaurante en kulturele sentrums, maar dit is die asemrowende natuurlike omgewing wat elke besoeker se hart sal steel.

Die suites is met soveel as moontlik gemak in gedagte ontwerp. Die onderbeklemtoonde dekor bied eenvoudige luuksheid terwyl die asemrowende omgewing toegelaat word om oor te neem. Die ruim kamers en suites beskik oor ekstra lang koninggrootte- en 2-enkelbeddens (Posturepedic), reuse duvets, lakens van hoë gehalte en komberse van sykatoen. Die luukse, ruim en suite-badkamers het 'n reënstort, digitale kluis, haardroër, donsige handdoeke, kamerjaponne, pantoffels en luukse bad- en lyfprodukte. Die wittebroodsuite het ekstra geriewe soos 'n groot kaggel en 'n fantastiese panoramiese uitsig op die berge en oor Valsbaai. Daar is tydskrifte en 'n kaart met inligting oor die omgewing in al die kamers.

Colourful Manor Luxury Lodge het slaapplek vir 22 gaste en geriewe kan vir eksklusiewe funksies of vir konferensiedoeleindes bespreek word. Dit bied 'n ideale wegbreekplek aan gholfspelers, wynliefhebbers, kosfynproewers en natuurliefhebbers op soek na 'n uitstekende vlak van diens, hoë gehalte verblyf en 'n stil, vreedsame wegbreek van die gewoel en wemel van die alledaagse lewe.

Dis die ideale plek om vir 'n langer tydperk te bly omdat daar soveel te sien is in die omgewing: ontdek die wynland, Hermanus, Franschhoek, die Overberg... en soveel meer!

Kaart Meer oor die omgewing 

Gaste wat na Colourful Manor Luxury Lodge gekyk het, het ook belangstelling getoon in die volgende lekke plekke:

Vanaf R1 274 R1 019 per nag (vir 2 mense)

Kry 20% af vir verblyf wat 7 nagte of langer is. Hierdie aanbod is altyd geldig.

Aanvaar aanlynbetaling deur LekkeSlaap.co.za   
Jou webblaaier is verouderd!

Pas jou webblaaier aan om die korrekte webtuiste te sien. Pas my webblaaier aan

086 999 0018 | besprekings@lekkeslaap.co.za