DaGama @ Jbay

Selfsorg

Winteraanbod 14% af

Bly 7 nagte en betaal slegs vir 6. Geldig vir verblyf vanaf 1 Jun 2024 tot 31 Aug 2024.

Kapasiteit: 12 mense
Inkloktyd: 14:00 tot 18:00
Uitkloktyd: 10:00
Adres: Mimosa-straat 102, Wavecrest, Jeffreysbaai, 6330, Oos-Kaap
Alle ouderdomme is welkom
Vanaf ~~R650~~ R557 per nag, vir 2 mense

Beskrywing

DaGama @ Jbay is in'n lieflike woonbuurt ggeleë naby een van die beste strande in Jeffreysbaai. Ideaal vir 'n gesin en vriende wat opsoek is na 'n strandvakansie. Die huis en woonstel is 200 meter stapafstand vanaf die see.
DaGama@Jbay bied lieflike selfsorg verblyf, in 'n huis op die grond vloer en 'n woonstel op die eerste verdieping.
Elke eenheid het sy eie ingang.

Die huis bied slaapplek vir 8 gaste en beskik oor vier slaapkamers, 2 badkamers, kombuis, leefarea en eetkamer.
Die hoofslaapkamer het 'n koningingrootte-bed en 'n en suite badkamer met 'n stort, wasbak en toilet.
Twee van die slaapkamers het stapelbeddens en die vierde slaapkamer het 'n koningingrootte bed. Die gaste in hierdie kamers deel 'n badkamer met 'n stort, wasbak en toilet.

Alle linne en handdoeke word voorsien vir die huis en woonstel. Gaste moet hulle eie swemhanddoeke saambring.
Die leefarea het 'n TV met gratis WiFi. Die kombuis is toegerus met 'n yskas, wasmasjien, vrieskas, skottelgoed wasmasjien, mikrogolfoond, gasstoof, basiese eetgerei en tee -en koffiemaakgeriewe. Hierdie area lei na 'n eetkamer en 'n buite braai.

Die woonstel beskik oor 'n eetkamer, sitkamer, kombuis en sonvertrek,twee slaapkamers en 'n badkamer. Die woonstel bied slaapplek aan 4 gaste. Die hoofslaapkamer het 'n dubbelbed en die tweede slaapkamer he 'n stapelbed. Die gaste deel 'n badkamer met 'n stort, wasbak en toilet. Die kombuis is toegerus met 'n stoof, mikrogolfoond, yskas/vrieskas en koffiemaakgeriewe met basiese eetgerei. Die sitkamer is toegerus met 'n TV en gratis WiFi. Die woonstel het 'n eie braai area in die tuin.

Alle elektriese toestelle werk tydens beurtkrag, behalwe die geysers.

Die eiendom spog met 'n lieflike omheinde erf met genoeg parkering en speelplek vir kinders en troeteldiere.

Die erf beskik oor 'n dubbel motorhuis om nodige goedere in te stoor, met 'n ekstra vrieskas.