De' Nessie

1 resensie

Selfsorg

Kapasiteit: 6 persone
Inkloktyd: 14:00 tot 19:00
Uitkloktyd: 10:00
Adres: Peninsula-weg, Kleinemonde, Port Alfred, 6170, Oos-Kaap
Alle ouderdomme is welkom
Vanaf R600 per nag, vir 2 mense

Beskrywing

De'Nessie is 'n rustige wegbreekplek naby die mooiste strand in die Oos-Kaap. Dié selfsorghuis bied 'n 180º-uitsig oor die natuur en die Kleinemonderivier.

Die huis het 3 slaapkamers en 3 badkamers. Die hoofslaapkamer het 'n koningingrootte-bed en 'n aparte badkamer met 'n stort, bad en toilet. Die tweede slaapkamer het 'n koningingrootte-bed, 'n enkelbed en stapelbeddens, asook 'n aparte badkamer met 'n bad en toilet. Dit het 'n pragtige rivier-uitsig. Die derde slaapkamer het 'n dubbelbed en 'n aparte badkamer met 'n stort, bad en toilet. Beide die eerste en derde slaapkamers het 'n stoep wat oor die rivier uitkyk.

Die oopplan-leefarea het eetarea, sitkamer en volledig ingerigte kombuis met kookgerei, eetware en breekgoed vir 10 gaste. Daar is 'n opwasarea met skottelgoedwasser, yskas en vrieskas. 'n TV met sekere DStv-kanale is beskikbaar in die sitkamer. Buite is daar gas- en oopvuur-braaigeriewe. Veilige parkeerplek word voorsien.

By De'Nessie word jy deur die geroep van die visarende wakker gemaak. Jy kan ook lekker op die veranda ontspan waar jy dalk bosbokke sal sien wei en die skepe kan dophou wat verby seil.

Kry ’n Kwotasie