Duck's Nest

Selfsorg

Gratis kansellasie tot 1 week voor jou verblyf!
Kapasiteit: 4 mense
Inkloktyd: 14:00 tot 21:00
Uitkloktyd: 11:00
Adres: Stasiestraat 17, Malelane, 1320, Mpumalanga
Alle ouderdomme is welkom
Vanaf R1 350 per nag (plek vir 4)

Beskrywing

Duck's Nest is 'n gerieflike selfsorgeenheid met 'n privaat ingang op die eienaars se perseel in Malelane. Die eiendom is 8 km vanaf die Krugerwildtuin se Malelane-hek en die ideale basis vanwaar die Laeveld en die Panoramaroete verken kan word. Mosambiek en Swaziland se grense is ook net 'n klein entjie se ry ver.

Die eenheid is geskik vir 4 gaste en het 2 slaapkamers, 'n badkamer, kombuis en 'n leefarea. Die hoofslaapkamer het 'n koningingrootte-bed en die tweede slaapkamer het 2 enkelbeddens. Gaste deel die badkamer wat 'n stort, toilet en 'n wasbak het. Linne, bad- en swemhanddoeke word voorsien.

Die kombuis is met 'n gasstoof, gasoond, broodrooster, mikrogolfoond, yskas-vrieskas en tee- en koffiemaakgeriewe toegerus. Die eetarea het sitplek vir 4 gaste. Warm water word deur gasgeisers voorsien. Die sitarea het lugversorging, 2 slaapbanke vir 2 kinders en 'n platskerm-slim-TV met DStv. Die maksimum kapasiteit vir gemaklike verblyf is 4 gaste, maar indien nodig kan 4 volwassenes en 2 kinders geakkommodeer word.

Daar is sonpanele 'n omsetter en batterye wat alles behalwe die lugversorging gedurende beurtkrag kan aanhou. Die dakwaaiers sal ook op die omsetter werk gedurende beurtkrag. die ligte, TV en WiFi aanhou.

Die eenheid het sy eie ingeboude buitebraai-area en 'n Weber-braai. Daar is buitesitplek, en gaste het toegang tot die swembad. Veilige en privaat parkeerplek is beskikbaar agter 'n elektroniese hek. Daar is ook sekuriteitskameras en sekuriteitstrale.

Vir kranige gholfspelers is daar die Malelane Gholfbaan en die eksklusiewe Leopard Creek Gholfbaan slegs 6 km ver.

Kry ’n Kwotasie